Realtime blog statisticsweb statistics
udupibits.in
Breaking News
ಉಡುಪಿ: ತೆರಿಗೆ ವಸೂಲಾತಿಯಲ್ಲಿ ಕರ್ತವ್ಯಲೋಪ- ಬೆಳ್ಳೆ ಗ್ರಾಮ ಪಂಚಾಯತ್ ನಲ್ಲಿ ಎಸಿಬಿ ಅಧಿಕಾರಿಗಳಿಂದ ಕಡತ ಪರಿಶಿಲನೆ

ಪರಮಾತ್ಮನೇ ನಿಜವಾದ ತಂದೆ, ತಾಯಿ, ಬಂಧು ಬಳಗ, ಸದಾಕಾಲದ ಮಿತ್ರ…

ಓಂ ಅಗ್ನಿಂ ಮನ್ಯೇ ಪಿತರ ಮಗ್ನಿಮಾಪಿ                                                              ಮಗ್ನಿಂ ಭ್ರಾತರಂ ಸದ ಮಿತ್ಸಖಾಯಂ
ಅಗ್ನೇ ರ ನೀಕಂ ಬೃಹತಃ ಸಪರ್ಯಂ
ದಿವಿ ಶುಕ್ರಂ ಯಜತಂ ಸೂರ್ಯಸ್ಯ (ಋಗ್ವೇದ: 10-7-3)

ಭಾವಾರ್ಥ: ಪರಮಾತ್ಮನೇ ನಮ್ಮೆಲ್ಲರ ನಿಜವಾದ ತಂದೆ, ತಾಯಿ, ಬಂಧು ಬಳಗ ಮತ್ತು ಸದಾ ಕಾಲದ ಮಿತ್ರನಾಗಿರುವನು. ಸಾಂಸಾರಿಕ ತಂದೆ, ತಾಯಿ ಮೊದಲಾದವರು ಈ ಶರೀರ ಇರುವ ತನಕವೇ ಸಂಬಂಧ ಉಳ್ಳವರಾಗಿರುವರು. ಈ ಶರೀರ ಬಿದ್ದು ಹೋದ ಮೇಲೆ ಸಾಂಸಾರಿಕ ತಂದೆ, ತಾಯಿ, ಬಂಧು ಬಳಗ ಯಾರೂ ಇರುವುದಿಲ್ಲ. ನಿಜವಾದ ತಂದೆ, ತಾಯಿ ಆ ಪರಮಾತ್ಮನೊಬ್ಬನೇ ಆಗಿರುವನು. ಅವನ ಜ್ಯೋತಿಯೆಂಬ ಬಲದಿಂದ ಸೂರ್ಯ, ಚಂದ್ರ ಮೊದಲಾದುವು ಪ್ರಕಾಶಿಸುತ್ತವೆ. ಆದುದರಿಂದಲೇ ಭಗವಂತನು ಜ್ಯೋತಿಗಳಿಗೂ ಜ್ಯೋತಿ ಎನಿಸುತ್ತಾನೆ. ಪರಮೇಶ್ವರನ ಪ್ರಕಾಶವನ್ನುಳಿದು ಸೂರ್ಯ ಮೊದಲಾದುವು ಎಳ್ಳಷ್ಟೂ ಪ್ರಕಾಶವನ್ನು ಬೀರಲಾರವು. ಆದುದರಿಂದ, ಬನ್ನಿರಿ ಸಹೋದರರೆ, ನಾವೆಲ್ಲ ಜ್ಯೋತಿಗಳಿಗೂ ಜ್ಯೋತಿಯಾದ ಆ ಜಗತ್ಪತಿತನನ್ನು ಪ್ರೇಮಪೂರ್ವಕ ಸ್ತುತಿಸೋಣ, ಅವನನ್ನೇ ಪ್ರಾರ್ಥಿಸೋಣ, ಅವನು ನಮ್ಮೆಲ್ಲರಿಗೂ ಕಲ್ಯಾಣವನ್ನೆಸಗಲಿ.

Leave a Reply

Your email address will not be published. Required fields are marked *