Realtime blog statisticsweb statistics
udupibits.in
Breaking News
# RTI ಕಾಯ್ದೆ ಉಲ್ಲಂಘನೆ: ಉಡುಪಿ ಜಿಲ್ಲಾ ಸರಕಾರಿ ಆಸ್ಪತ್ರೆಯ ಸಾರ್ವಜನಿಕ ಮಾಹಿತಿ ಅಧಿಕಾರಿ ಹಾಗೂ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಸೇವೆಗಳ ನಿರ್ದೆಶನಾಲಯದ ಮುಖ್ಯ ಆಡಳಿತಾಧಿಕಾರಿಗೆ ಕರ್ನಾಟಕ ಮಾಹಿತಿ ಆಯೋದದಿಂದ ಸಮನ್ಸ್.

ಕುಸಿತದ ಭೀತಿಯಲ್ಲಿ ಆತ್ರಾಡಿ-ಬಜಪೆ ರಾಜ್ಯ ಹೆದ್ದಾರಿ: ಕಳಪೆ ಕಾಮಗಾರಿಯ ಕಾರಣ ರಸ್ತೆ ಬಿರುಕು !

ಉಡುಪಿ: ಬಹುಕೋಟಿ ಮತ್ತು ಮಹತ್ವಕಾಂಕ್ಷೆಯ ಆತ್ರಾಡಿ – ಬಜಪೆ ರಾಜ್ಯ ಹೆದ್ದಾರಿಯು ಕಳಪೆ ಕಾಮಗಾರಿಯಿಂದಾಗಿ ಕುಸಿತದ ಭೀತಿಯನ್ನು ಎದುರಿಸುತ್ತಿದೆ.

ಮೂಡುಬೆಳ್ಳೆ ಬಳಿಯ ನಾಲ್ಕುಬೀದಿಯಿಂದ ಶಿರ್ವ ಮಸೀದಿವರೆಗಿನ ರಸ್ತೆಯಲ್ಲಿನ ಡಾಮರೀಕರಣ ಕಾಮಗಾರಿ ಕಳಪೆಯಾಗಿರುವುದರಿಂದ ಡಾಮರು ರಸ್ತೆ ಅಲ್ಲಲ್ಲಿ ಬಾಯಿ ತೆರೆದುಕೊಂಡಿದ್ದು, ಯಾವುದೇ ಸಮಯ ಪೂರ್ಣ ಕುಸಿತಗೊಳ್ಳುವ ಅಪಾಯದ ಹಂತದಲ್ಲಿದೆ.

ಈ ರಸ್ತೆ, ಬಹಳಷ್ಟು ವಾಹನಗಳು ಸಂಚರಿಸುತ್ತಲೇ ಇರುವ ರಸ್ತೆಯಾಗಿದ್ದು, ರಸ್ತೆ ಬಿರುಕು ಬಿಟ್ಟಿರುವುದರಿಂದ ಯಾವುದೇ ಸಂದರ್ಭದಲ್ಲಿ ಇಲ್ಲಿ ವಾಹನಗಳು ಕೂಡಾ ರ್ಸತೆ ಸಹಿತ ಹುಗಿದುಹೋಗುವ ಅಥವಾ ಅಪಘಾತಕ್ಕೆ ಒಳಗಾಗುವ ಸಾಧ್ಯತೆ ಇದೆ.

ಕೊಟ್ಯಂತರ ರು. ಮೊತ್ತದ ಪ್ರಮುಖ ರಾಜ್ಯ ಹೆದ್ದಾರಿಯ ಕಾಮಗಾರಿಯೇ ಕಳಪೆ ಕಾಮಗಾರಿಯಿಂದ ಕೂಡಿರುವುದು ಕೆಲವೊಂದು ಗಂಭೀರ ಅನುಮಾನಗಳಿಗೆ ಕಾರಣವಾಗಿದ್ದು, ಇಡೀ ರಸ್ತೆಯ ಬಾಳತನದ ಬಗ್ಗೆ ಶಂಕೆಗಳನ್ನು ಮೂಡಿಸದೆ.

ರಸ್ತೆಯಲ್ಲಿ ಅಲ್ಲಲ್ಲಿ ಬಿರುಕು ಬಿಟ್ಟಿರುವುದರಿಂದ ವಾಹನ ಚಾಲಕರು ಈ ರಸ್ತೆಯಲ್ಲಿ ವಾಹನ ಚಲಾಯಿಸಲು ಸಹ ಹೆದರುವ ಪರಿಸ್ಥಿತಿ ಸೃಷ್ಟಿಯಾಗಿದೆ.

ಆತ್ರಾಡಿ – ಬಜಪೆ ರಾಜ್ಯ ಹೆದ್ದಾರಿ ಬಿರುಕು ಬಿಟ್ಟಿರುವ ಹಿನ್ನೆಲೆಯಲ್ಲಿ ಭ್ರಷ್ಟಾಚಾರ ನಿಗ್ರಹ ದಳ ಅಥವಾ ಲೋಕಾಯುಕ್ತ ಅಧಿಕಾರಿಗಳು ಸ್ಯಯಂಪ್ರೇರಿತರಾಗಿ ಕಳಪೆ ಕಾಮಗಾರಿಯ ಬಗ್ಗೆ ಮೊಕದ್ದಮೆ ದಾಖಲಿಸಿಕೊಂಡು ತನಿಖೆ ನಡೆಸಬೇಕು ಎಂದು ನಾಗರೀಕರು ಆಗ್ರಹಿಸಿದ್ದಾರೆ.

 

Leave a Reply

Your email address will not be published. Required fields are marked *