Realtime blog statisticsweb statistics
udupibits.in
Breaking News
ಉಡುಪಿ: ಕೂಸಮ್ಮ ಶಂಭು ಶೆಟ್ಟಿ ಸ್ಮಾರಕ ಹಾಜಿ ಅಬ್ದುಲ್ಲಾ ತಾಯಿ-ಮಕ್ಕಳ ಆಸ್ಪತ್ರೆಯಲ್ಲಿ ಶಿಶು ಮರಣ ?

ಪತ್ರಿಕಾ ಪ್ರದರ್ಶನ: ಮಾಧ್ಯಮಲೋಕದಲ್ಲಿ udupibits.inನಿಂದ ನೂತನ ಪ್ರಯೋಗ

# ಮಾಧ್ಯಮ ಜಗತ್ತಿನಲ್ಲಿ ಇದು udupibits.in ನ ಹೊಸ ಪ್ರಯೋಗ. ಮಾತ್ರವಲ್ಲ, ಇದು ಮಾಧ್ಯಮ ಜಗತ್ತಿನಲ್ಲಿಯೇ ಮೊಟ್ಟ ಮೊದಲ ಪ್ರಯೋಗವೂ ಆಗಿದೆ. ಹಳೆಯ ಪತ್ರಿಕೆಗಳಿಗೆ ಮತ್ತು ಪುಸ್ತಕಗಳಿಗೆ ಬೆಲೆಕಟ್ಟಲು ಸಾಧ್ಯವೇ ಇಲ್ಲ, ಸಾಧುವೂ ಅಲ್ಲ. ಅವುಗಳು ಅತ್ಯಮೂಲ್ಯವೂ, ಅತ್ಯುಪಯುಕ್ತವೂ ಆಗಿವೆ, ಆಗಿರುತ್ತವೆ.

ಹಳೆಯ ಪತ್ರಿಕೆಗಳು ಮತ್ತು ಪುಸ್ತಕಗಳು ಪ್ರಪಂಚದ, ದೇಶದ, ರಾಜ್ಯದ, ಜಿಲ್ಲೆ ಹಳ್ಳಿಗಳ ಹಾಗೂ ನಾಡಿನ ಸಾಹಿತ್ಯ, ಸಾಮಾಜಿಕ, ಸಾಂಸ್ಕೃತಿಕ, ರಾಜಕೀಯ ಇತ್ಯಾದಿಗಳ ಇತಿಹಾಸ, ಚರಿತ್ರೆಯನ್ನು ಸಾರಿ ಹೇಳುತ್ತವೆ.

‘ಗಣಪತಿ ದಿವಾಣ ಸ್ಮಾರಕ ಗ್ರಂಥಾಲಯ’ದಲ್ಲಿ ಲಭ್ಯವಿರುವ ಕೆಲವು ಆಯ್ದ ಪತ್ರಿಕೆಗಳನ್ನು ಮತ್ತು ಪುಸ್ತಕಗಳನ್ನು, ‘ಪತ್ರಿಕೆ – ಪುಸ್ತಕ ಪ್ರದರ್ಶನ’ ಎಂಬ ನೂತನ ಪ್ರಯೋಗ ಮಂಟಪದಲ್ಲಿ  ಪ್ರದರ್ಶನಕ್ಕೆ ಇರಿಸಲಾಗಿದೆ. ಯಾವುದೇ ದಿನ ಮತ್ತು ಸಮಯದಲ್ಲಿ ಬೇಕಾದರೂ ಆಸಕ್ತರು ಈ ಪ್ರದರ್ಶನ ಸ್ಥಳಕ್ಕೆ ಭೇಟಿ ನೀಡಿ ಪತ್ರಿಕೆಗಳನ್ನು ಮತ್ತು ಪುಸ್ತಕಗಳನ್ನು ವೀಕ್ಷಿಸಬಹುದಾಗಿದೆ. – ಸಂಪಾದಕ.

  • ಪತ್ರಿಕೆ ಸಂಗ್ರಾಹಕರು: ಶ್ರೀರಾಮ ದಿವಾಣ. ಫೋಟೋ: ವಿನಾಯಕ ದಿವಾಣ.

”ಪ್ರಕಾಶ” ಉಡುಪಿಯಿಂದ ಪ್ರಕಟವಾಗುತ್ತಿದ್ದ ಸಾಪ್ತಾಹಿಕ. ಸಂಪಾದಕರಾಗಿದ್ದವರು ಎ.ಜೆ.ಅಲ್ಸೆ. 1945ರ ಆಗಸ್ಟ್ ನಲ್ಲಿ ಆರಂಭವಾದ ‘ಪ್ರಕಾಶ’ವನ್ನು ಪ್ರಭಾಕರ ಪ್ರೆಸ್ ಪ್ರೈವೆಟ್ ಲಿಮಿಟೆಡ್ ನಲ್ಲಿ ಕೆ.ಎಲ್.ಎನ್.ಹೆಗ್ಡೆ ಪ್ರಕಟಿಸುತ್ತಿದ್ದರು. ಉಡುಪಿಯ ಎಸ್.ಆರ್. ಬಿಲ್ಡಿಂಗ್ ನಲ್ಲಿ ಪತ್ರಿಕೆಯ ಕಾರ್ಯಾಲಯವಿತ್ತು. ಬಿಡಿ ಪ್ರತಿಯ ಬೆಲೆ 20 ಪೈಸೆಯಾಗಿತ್ತು. ವರ್ಷದಲ್ಲಿ ಎರಡು ಬಾರಿ ವಿಶೇಷಾಂಕಗಳನ್ನು ಪ್ರಕಟಿಸಲಾಗುತ್ತಿತ್ತು. ವಿಶೇಷಾಂಕಕ್ಕೆ 5 ರೂಪಾಯಿ ನಿಗದಿಪಡಿಸಲಾಗುತ್ತಿತ್ತು.

ಡಾ.ಕೆ.ಶಿವರಾಮ ಕಾರಂತ, ಕು.ಶಿ.ಹರಿದಾಸ ಭಟ್ಟ, ಬೈಕಾಡಿ ವೆಂಕಟಕೃಷ್ಣ ರಾಯ, ಗುಂಡ್ಮಿ ಚಂದ್ರಶೇಖರ ಐತಾಳ, ಎ.ಸದಾನಂದ ಹೆಬ್ಬಾರ್, ಉದ್ಯಾವರ ಮಾಧವ ಆಚಾರ್ಯ, ಎ.ಶಂಕರನಾರಾಯಣ ಹೆಬ್ಬಾರ್, ಕಿರಣ, ಪಿ.ರಾಮಣ್ಣ ಚಡಗ, ಶಿವಕುಮಾರ ಚಡಗ, ಅ.ಗ.ಅಲ್ಸೆ, ‘ಗಂಧರ್ವ’, ಬಿ.ಪಿ.ನಾಗರಾಜ ವಾರಂಬಳ್ಳಿ, ಸಾಗರ ಮುಂತಾದವರ ಬರೆಹಗಳು ‘ಪ್ರಕಾಶ’ದಲ್ಲಿ ಪ್ರಕಟವಾಗಿವೆ.

* ‘ಸಂಗಾತಿ’ಯ ಮೊದಲ ವಾರ್ಷಿಕ ವಿಶೇಷಾಂಕ, ಸಂಪಾದಕರ ಭಾವಚಿತ್ರ ಸಹಿತ ಪ್ರಕಟವಾದ ಸಂಪಾದಕೀಯ ಪುಟ, ಪತ್ರಿಕೆಯ ‘ಕ್ಷ-ಕಿರಣ’ ಅಂಕಣಕಾರ ಗಣಪತಿ ದಿವಾಣರ ಲೇಖನ.

* ಸಂಪಾದಕರಾದ ಮ.ನವೀನಚಂದ್ರ ಪಾಲ್ ಜೊತೆಗೆ ಪತ್ರಿಕಾ ಸಂಗ್ರಾಹಕ ಶ್ರೀರಾಮ ದಿವಾಣ.

”ಸಂಗಾತಿ” ಮಂಗಳೂರಿನಿಂದ ಪ್ರಕಟವಾಗುತ್ತಿದ್ದ ವಾರಪತ್ರಿಕೆ. ಸಂಪಾದಕರು ಮತ್ತು ಪ್ರಕಾಶಕರು ಹಿರಿಯ ಸಮಾಜವಾದಿ ಮ.ನವೀನಚಂದ್ರ ಪಾಲ್. 1948ರ ನವೆಂಬರ್ ಒಂದರಂದು ಪಾಕ್ಷಿಕ ಪತ್ರಿಕೆಯಾಗಿ ಆರಂಭವಾದ ‘ಸಂಗಾತಿ’, 1950ರ ಜನವರಿ ಒಂದರಿಂದ ವಾರ ಪತ್ರಿಕೆಯಾಯಿತು. 1964ರಿಂದ 1981ರ ವರೆಗೆ ಪತ್ರಿಕೆಯ ಪ್ರಕಟಣೆಯನ್ನು ಸ್ಥಗಿತಗೊಳಿಸಲಾಗಿತ್ತು. 1981ರಿಂದ 1986ರ ವರೆಗೆ ಮತ್ತೆ ಪ್ರಕಟಿಸಿ, ಬಳಿಕ ನಿಲ್ಲಿಸಲಾಯಿತು. ಹಂಪನಕಟ್ಟೆಯಲ್ಲಿ ಪತ್ರಿಕೆಯ ಕಾರ್ಯಾಲಯವಿತ್ತು. ಪತ್ರಿಕೆಗೆ ಒಂದಾಣೆ ಬೆಲೆ ನಿಗದಿಪಡಿಸಲಾಗಿತ್ತು. ಪತ್ರಿಕೆಯನ್ನು ಎನ್.ಸುಬ್ಬ ರಾವ್ ಅವರು ತಮ್ಮ ರಾಷ್ಟ್ರಬಂಧು ಪ್ರೆಸ್ ನಲ್ಲಿ ಮುದ್ರಿಸಿ ಕೊಡುತ್ತಿದ್ದರು.

ನ್ಯಾಯಯವಾದಿ ಕಳ್ಳಿಗೆ ಮಹಾಬಲ ಭಂಡಾರಿ, ಕೆ.ಎಸ್.ಉಪಾಧ್ಯಾಯ, ಐ.ಟಿ.ರೈ ಮದರಾಸು (ಇಚ್ಲಂಪಾಡಿ ತ್ಯಾಂಪಣ್ಣ ರೈ ಕುಂಬಳೆ) ವೈ.ಮಾಹಲಿಂಗ ಭಟ್ (ವೈಮಾನಿಕ), ಗಣಪತಿ ದಿವಾಣ/ದರ್ಪಣಾಚಾರ್ಯ (ಕ್ಷ-ಕಿರಣ), ಮೂಡ್ಲಕಟ್ಟೆ ಜಗನ್ನಾಥ (ಎಂ.ಜೆ.ಹೆಗ್ಡೆ/ಮಾ.ವಿ.ಹೆ), ಮುನಿಪಾಲ ರಾಜು, ಮ.ರಾಜೀವ, ಕಾಸರಗೋಡು ಶಿವರಾಮ ಶೆಟ್ಟಿ (ಕಾಶಿ), ರಘು ಕುಡಲ, ವಾಮನ ಕರ್ಕೇರ, ಜಿ.ಸೋಮಶೇಖರ, ಸೇವ ನಮಿರಾಜ ಮಲ್ಲ, ನರಸಿಂಹಮೂರ್ತಿ ಕಲ್ಮಕಾರು, ಬೈಕಾಡಿ ಶೀನಪ್ಪ ಶೆಟ್ಟಿ, ವಿದ್ವಾನ್ ಕೆ.ಶ್ರೀನಿವಾಸಮೂರ್ತಿ ಕಾಸರಗೋಡು, ಬಾಲಕೃಷ್ಣ, ಮೋಹನ ರಾವ್, ಕೆದಂಬಾಡಿ ಜತ್ತಪ್ಪ ರೈ ಪಾಣಾಜೆ (ಬೇಟೆಯ ಕಥೆಗಳು), ವಾರಣಾಸಿ ಸುಬ್ರಾಯ ಭಟ್, ವಿದ್ವಾನ್ ರಾಮಚಂದ್ರ ಉಚ್ಚಿಲ, ಕೆ.ಎಸ್.ನಿಡಂಬೂರ್, ಚಾರ್ವಾಕ, ಅಡ್ಡೂರು ಕೃಷ್ಣ ರಾವ್, ರಾಮಕೃಷ್ಣ ಭಟ್ ಪಾಂಗಾಳ, ಶ್ರೀಕರ, ನಿರ್ಮಲಾಕ್ಷ, ನಿರೀಕ್ಷಕ, ಜಮದಗ್ನಿ, ಕುಮಾರ್ ಮಂಗಳೂರು, ದುರ್ಭೀನುಧಾರಿ, ಸತೀಶ್ ಹೆಗ್ಡೆ, ವಿಜಿಲಾಂಟ್, ಬಿ.ರಘುನಾಥ ಕೋಟೆಂಕಾರ, ಕೆ.ಪಿ.ಗುರುಸ್ವಾಮಿ, ಎಚ್.ವಿ.ಕಾಮತ್, ಪ್ರೇಕ್ಷಕ, ವಿಜ್ಞ, ಡಿ.ಎನ್.ರಾಘವ (ವ್ಯಂಗ್ಯಚಿತ್ರ), ಸಂಜಯ, ಡಾ.ನೀ.ಮುರಾರಿ ಬಲ್ಲಾಳ, ಶ್ರೀಮುಖ, ಮನ್ಮಥ ಶೆಟ್ಟಿ ಕೊಕ್ಕರ್ಣೆ, ಜನಮಿತ್ರ, ಅಮೃತ ಪ್ರಕಾಶ, ಚಾಣಕ್ಯ, ಅಂತ್ಯಜ ಪುತ್ತೂರು, ರಾಮಚಂದ್ರ ಉಡುಪ ಎನ್. ಅಳಿಕೆ, ವೀಕ್ಷಕ, ದೂರ್ವಾಸ, ಸುದರ್ಶನ, ಮೀನುಗಾರ, ಚಂದ್ರಶೇಖರ ಶರ್ಮ ದೇಲಂಪಾಡಿ, ಕೆಆರ್ಕೆ, ಕೆ.ಜಿ.ಎ.ಕುಳಾಯಿ, ಎಚ್.ಎಂ.ಭಟ್, ಅಸುರ, ಎಸ್ಸೆನ್, ಎಸ್.ಕೆ., ಮಾರ್ಕ್ ಮಚಾದೊ ಮುಂಬಯಿ, ಬಿ.ಸುಬ್ಬಯ್ಯ ಶೆಟ್ಟಿ, ಅಧಿಕ ಪ್ರಸಂಗಿ, ಗುರು, ಕೆ.ಎಂ., ಪಿ.ಕೆ.ಸಂಜೀವ ಶೆಟ್ಟಿ ಪಾಂಗಾಳ, ಎಂ.ಪದ್ಮನಾಭ ರೈ ಧಾರವಾಡ, ಕೆ.ಸದಾಶಿವ ಹೆಗ್ಡೆ ಕಾಬೆಟ್ಟು ಕಾರ್ಕಳ, ಹಿರಣ್ಯಕ, ವಿಶ್ವಾಮಿತ್ರ, ವಿಭೀಷಣ, ಬಿ.ರಾಮಕೃಷ್ಣ, ಜ್ಞಾನಯಾತ್ರಿ, ಪರಶುರಾಮ, ಬಲರಾಮ, ವಿಚಿತ್ರ ಏತಡ್ಕ, ಬಲ್ಲವ, ಸೋಮನಾಥ ಎಸ್.ಕರ್ಕೇರ, ಈಶ್ವರ ಅಲೆವೂರು, ಧನಾನಂದ, ಅಖಂಡ, ರಂಜನ, ಚದುರಂಗ, ಎಂ.ಅಬದ್ಉಲ್ ರೆಹಮಾನ್ ಪಾಷಾ, ಎ.ಎಸ್.ಮೂರ್ತಿ, ಶರತ್ ಕಲ್ಕೋಡ್ ಮಣಿಪಾಲ ಮೊದಲಾದವರ ಬರೆಹಗಳು ‘ಸಂಗಾತಿ’ಯಲ್ಲಿ ಪ್ರಕಟವಾಗುತ್ತಿದ್ದುವು.

1950ರ ದಶಕದಲ್ಲಿ ‘ಕರ್ಮವೀರ’ ಸಚಿತ್ರ ವಾರಪತ್ರಿಕೆ ಟ್ಯಾಬ್ಲಾಯ್ಡ್ ಆಕಾರದಲ್ಲಿ 16 ಪುಟಗಳಲ್ಲಿ ಪ್ರಕಟವಾಗುತ್ತಿತ್ತು. ಹುಬ್ಬಳ್ಳಿಯಿಂದ ಪ್ರಕಟವಾಗುತ್ತಿದ್ದ ‘ಕರ್ಮವೀರ’ಕ್ಕೆ ಆಗ ಎರಡಾಣೆ ಬೆಲೆ. ಪತ್ರಿಕೆಯ ಪ್ರತತೀ ಸಂಚಿಕೆಯ ಎರಡನೇ ಪುಟದಲ್ಲಿ ”ಪುಟ್ಟ” (ಗಣಪತಿ ದಿವಾಣ)ರವರ ಮಕ್ಕಳಿಗಾಗಿ ಕಥೆ ಪ್ರಕಟವಾಗುತ್ತಿತ್ತು. ”ಲಾಂಗೂಲಾಚಾರ್ಯ”ರವರ ‘ಓದುಗರೊಡನೆ ಹರಟೆ’, ಕಿ.ಘ.ಮಶ್ರೂವಾಲಾರವರ ಲೇಖನಗಳು ಪತ್ರಿಕೆಯಲ್ಲಿ ಪ್ರಕಟವಾಗುತ್ತಿದ್ದುವು.

”ನಾಡಪ್ರೇಮಿ” ಕಾಸರಗೋಡಿನಿಂದ ಪ್ರಕಟವಾಗುತ್ತಿದ್ದ ವಾರಪತ್ರಿಕೆ. 1965ರ ಫೆಬ್ರವರಿಯಲ್ಲಿ ‘ಕಾಸರಗೋಡು ಕರ್ನಾಟಕ ಪ್ರಾಂತೀಕರಣ ಚಳುವಳಿ’ಯ ಭಾಗವಾಗಿ, ಧೀಮಂತ ಪತ್ರಕರ್ತರಾದ ಎಂ.ವಿ.ಬಳ್ಳುಳ್ಳಾಯರು ‘ನಾಡಪ್ರೇಮಿ’ಯನ್ನು ಆರಂಭಿಸಿದ್ದರು ಮತ್ತು ಪತ್ರಿಕೆಯನ್ನು ಮುನ್ನಡೆಸುವಲ್ಲಿ ಬಳ್ಳುಳ್ಳಾಯರ ಹೆಗಲಿಗೆ ಹೆಗಲು ಕೊಟ್ಟವರು ದಾಮೋದರ ಅಗ್ಗಿತ್ತಾಯರು. ನ್ಯಾಯವಾದಿ ಕಳ್ಳಿಗೆ ಮಹಾಬಲ ಭಂಡಾರಿಯವರು ನಾಡಪ್ರೇಮಿಯನ್ನು ಪ್ರೋತ್ಸಾಹಿಸಿದವರಲ್ಲಿ ಪ್ರಮುಖರು. ಕಾಸರಗೋಡು ಎಸ್.ವಿ.ಟಿ.ರಸ್ತೆಯಲ್ಲಿದ್ದ ಪತ್ರಿಕಾ ಕಚೇರಿಯಲ್ಲಿಯೇ ನಡೆದ ಸರಳ ಸಮಾರಂಭದಲ್ಲಿ ‘ಕಾಸರಗೋಡು ಕನ್ನಡಿಗರ ಮಹಾಬಲ’ ಕಳ್ಳಿಗೆ ಮಹಾಬಲ ಭಂಡಾರಿಯವರು ನಾಡಪ್ರೇಮಿಯನ್ನು ಬಿಡುಗಡೆಗೊಳಿಸಿದ್ದರು. ಸಮಾರಂಭದಲ್ಲಿ ‘ವಿಚಿತ್ರ ಏತಡ್ಕ’ ಕಾವ್ಯನಾಮದ ವೈ.ಎಸ್.ಹರಿಹರ ಭಟ್, ‘ಕಾಸರಗೋಡು ಸಮಾಚಾರ’ ಪತ್ರಿಕೆಯ ಸಂಪಾದಕರಾಗಿದ್ದ  ‘ವೈಮಾನಿಕ’ ಕಾವ್ಯನಾಮದ ವೈ.ಮಹಾಲಿಂಗ ಭಟ್, ಗಣಪತಿ ದಿವಾಣ ಮುಂತಾದ ಕೆಲವೇ ಪ್ರಮುಖರು ಉಪಸ್ಥಿತರಿದ್ದರು. ಎಂ.ವಿ.ಬಳ್ಳುಳ್ಳಾಯರು ಸಂಪಾದಕರು ಮತ್ತು ಪ್ರಕಾಶಕರಾಗಿದ್ದ ನಾಡಪ್ರೇಮಿಯನ್ನು, ಪಿ.ವಿ.ಪ್ರಭು ಅವರು ತಮ್ಮ ಪ್ರಕಾಶ್ ಪ್ರಿಂಟರ್ಸ್ ನಲ್ಲಿ ಮುದ್ರಿಸುತ್ತಿದ್ದರು.

* ‘ನಾಡಪ್ರೇಮಿ’ ಎಂ.ವಿ.ಬಳ್ಳುಳ್ಳಾಯ

ಕಯ್ಯಾರ ಕಿಞ್ಙಣ್ಣ ರೈ, ಕೀರಿಕ್ಕಾಡು ಮಾಸ್ಟರ್ ವಿಷ್ಣು ಭಟ್, ಗಣಪತಿ ದಿವಾಣ, ‘ವಿಚಿತ್ರ ಏತಡ್ಕ’, ‘ತಲೆಹೋಕ’ (ದಾಮೋದರ ಅಗ್ಗಿತ್ತಾಯ), ತೇ.ಶೆ.ಕಾರ್ಯಹಳ್ಳಿ (ಟಿ.ಎಸ್.ಕಾರ್ಯಹಳ್ಳಿ), ‘ಕಾ.ನಾ.ಭ’, ‘ರಾಧಾರಂಜನ’, ಶಿರೋಮಣಿ ವಿದ್ವಾನ್ ಕೆ. ನಾರಾಯಣಾಚಾರ್ಯ ಕಣ್ವತೀರ್ಥ, ‘ಶ್ರೀ ಕಾಸರಗೋಡು’, ‘ಶಶಿರಾಜ’, ‘ಎಂ.ವಿ.ಎಸ್’, ಯು.ಈಶ್ವರ ಭಟ್, ‘ಕುಮಾರತನಯ ಕಾಸರಗೋಡು’, ‘ಶ್ರೀನಿಲಯ ಕಾಸರಗೋಡು’, ‘ಬಾಕಿನ’ (ರಘುರಾಮ), ಕೆ.ವಿ.ತಿರುಮಲೇಶ್, ಡಾ.ಕೆ.ರಮಾನಂದ ಬನಾರಿ ದೇಲಂಪಾಡಿ, ಕಾ.ವಾ.ಆಚಾರ್ಯ ಶಿರ್ವ (ಕಾಸರಗೋಡು ವಾಸುದೇವ ಆಚಾರ್ಯ), ಗೋಪಾಲಕೃಷ್ಣ ಪೈ ಪೆರ್ಲ, ಪಿ.ಪಿ.ಶರ್ಮ ಕಾಸರಗೋಡು, ಕೃಷ್ಣ ಭಟ್ ಪೆರ್ಲ, ‘ಬೀಜಿ’, ಶಂಕರನಾರಾಯಣ ಭಟ್ ಮಧೂರು, ಬಿ.ಸೀತಾರಾಮ ಪೈ, ಅಂಬಿಕಾ ಭಕ್ತ ಮುಂಡೋಡು ಮೊದಲಾದವರ ಕಥೆ, ಕವನ, ಲೇಖನಗಳು ‘ನಾಡಪ್ರೇಮಿ’ಯಲ್ಲಿ ಪ್ರಕಟವಾಗುತ್ತಿದ್ದವು.

”ಜನರಾಜ್” ಮಂಗಳೂರು ತಾಲೂಕು ಕೋಟೆಕಾರಿನಿಂದ ಪ್ರಕಟವಾಗುತ್ತಿದ್ದ ಪತ್ರಿಕೆ. 1966ರ ಜುಲೈ 29ರಂದು ವಾರಪತ್ರಿಕೆಯಾಗಿ ಆರಂಭವಾದ ”ಜನರಾಜ್”, 1969 ಜನವರಿ 26 (ಪ್ರಜಾಪ್ರಭುತ್ವ ದಿನ)ರಿಂದ ದಿನಪತ್ರಿಕೆಯಾಯಿತು. ಎರಡು ಪುಟದ ದಿನಪತ್ರಿಕೆಯ ಆದಿತ್ಯವಾರದ ಸಂಚಿಕೆ ಮಾತ್ರ ಹೆಚ್ಚಿನ ಪುಟಗಳಲ್ಲಿ ಪ್ರಕಟವಾಗುತ್ತಿತ್ತು. ಎನ್.ಆರ್.ಉಭಯ (ನಾರಾಯಣ ರಘುರಾಮ ಉಭಯ) ಅವರು ಪತ್ರಿಕೆಯ ಸಂಪಾದಕರು ಮತ್ತು ಪ್ರಕಾಶಕರು ಆಗಿದ್ದರು. ಪತ್ರಿಕೆಗೆ ಸ್ವಂತ ಕಾರ್ಯಾಲಯ ಮತ್ತು ಮುದ್ರಣಾಲಯವಿತ್ತು. ಗಣಪತಿ ದಿವಾಣ ಅವರ ‘ಕ್ಷ-ಕಿರಣ’ ಎಂಬ ಅಂಕಣ ಬರಹ ಪ್ರಕಟವಾಗುತ್ತಿತ್ತು. ಮುಳಿಯ ಶಂಕರ ಭಟ್ (ಮುಳಿಯ ರಜತಾದ್ರಿ)ಯವರ ಬರೆಹಗಳು ಪ್ರಕಟವಾಗುತ್ತಿದ್ದುವು. ನರಸಿಂಹ ರಾವ್ ಅನುವಾದಕರಾಗಿದ್ದರು. ಕೆ.ಎಂ.ಶೆಟ್ಟಿ (ಕೆ.ಮಂಜಪ್ಪ ಶೆಟ್ಟಿ) ಅವರು ಪತ್ರಿಕೆಯ ವಿವಿಧ ವಿಭಾಗಗಳ ಜವಾಬ್ದಾರಿಯನ್ನು ನಿರ್ವಹಿಸುತ್ತಿದ್ದರು.

1987ರಲ್ಲಿ 15 ಪೈಸೆ ಮತ್ತು 1988ರಲ್ಲಿ 20 ಪೈಸೆ ಮತ್ತು 1993ರಲ್ಲಿ 50 ಪೈಸೆ ಪತ್ರಿಕೆಯ ಬೆಲೆಯಾಗಿತ್ತು. 1993ರಿಂದ ಕೆ.ಎಂ.ಶೆಟ್ಟಿ ಪತ್ರಿಕೆಯ ಸಂಪಾದಕರಾದರು ಮತ್ತು ಬಳಿಕ ಪತ್ರಿಕೆ ತನ್ನ ಪ್ರಕಟಣೆಯನ್ನು ಸ್ಥಗಿತಗೊಳಿಸಿತು.  

ಉತ್ತರ ಕನ್ನಡ ಜಿಲ್ಲೆಯ ಅಂಕೋಲಾದಿಂದ ಪ್ರಕಟವಾಗುತ್ತಿದ್ದ ಸಾಪ್ತಾಹಿಕ. ‘ಚುಟುಕು ಬ್ರಹ್ಮ’, ಸಂಸದ ದಿನಕರ ದೇಸಾಯಿಯವರು ತಮ್ಮ ಟ್ರಸ್ಟ್ ಮೂಲಕ ಪತ್ರಿಕೆಯನ್ನು ಪ್ರಕಟಿಸುತ್ತಿದ್ದರು. ಅಮ್ಮೆಂಬಳ ಆನಂದ ಸಂಪಾದಕರಾಗಿದ್ದರು. ಶ್ಯಾಮ ಹುದ್ದಾರ ಮುದ್ರಕರಾಗಿದ್ದರು. ಗೌರೀಶ ಕಾಯ್ಕಿಣಿ, ದಿನಕರ ದೇಸಾಯಿ, ಅಮ್ಮೆಂಬಳ ಆನಂದ, ವಿಷ್ಣು ನಾಯ್ಕ, ಗಣಪತಿ ದಿವಾಣ ಮುಂತಾದವರು ‘ಜನಸೇವಕ’ಕ್ಕೆ ಬರೆಯುತ್ತಿದ್ದರು.

‘ದರ್ಪಣ’ ಅಥವಾ ‘ಕಾಸರಗೋಡು ದರ್ಪಣ’, ಕಾಸರಗೋಡು ಜಿಲ್ಲೆ ಕುಂಬಳೆ ಸಮೀಪದ ಎಡನಾಡು ಗ್ರಾಮದಿಂದ ಪ್ರಕಟವಾಗುತ್ತಿದ್ದ ಮಾಸಿಕ. 1993, ಮೇ ತಿಂಗಳಲ್ಲಿ ‘ದರ್ಪಣ’ ಎಂಬ ಹೆಸರಲ್ಲಿ ಆರಂಭವಾಗಿದ್ದು, 1994ರ ಮೇ ಸಂಚಿಕೆಯಿಂದ ‘ಕಾಸರಗೋಡು ದರ್ಪಣ’ವಾಯಿತು. ಇದೇ ವರ್ಷ, ಪತ್ರಿಕೆ ತನ್ನ ಪ್ರಕಟಣೆಯನ್ನೂ ಸ್ಥಗಿತಗೊಳಿಸಿತು. ಗಣಪತಿ ದಿವಾಣ ಗೌರವ ಸಂಪಾದಕರಾಗಿಯೂ, ಶ್ರೀರಾಮ ದಿವಾಣ ಸಂಪಾದಕರಾಗಿಯೂ, ರವಿರಾಜ ದಿವಾಣ ಪ್ರಕಾಶಕರಾಗಿಯೂ ಇದ್ದು, ಒಂದೂವರೆ ವರ್ಷ ಪತ್ರಿಕೆಯನ್ನು ನಡೆಸಿಕೊಂಡು ಬಂದರು.

ಗಣಪತಿ ದಿವಾಣ (ದರ್ಪಣಾಚಾರ್ಯ), ಶ್ರೀರಾಮ ದಿವಾಣ, ವಿ.ಗ.ನಾಯಕ, ವಿಚಿತ್ರ ಏತಡ್ಕ, ಗಣೇಶ ಪ್ರಸಾದ ಪಾಂಡೇಲು, ಜಿ.ಹರೀಶ ಕಾಮತ್ ಎಡಪದವು, ದಾಮೋದರ ಕುಲಾಲ್ ಪುನರೂರು, ಗಣೇಶ ಪಿ.ನಾಡೋರ ಯಲ್ಲಾಪುರ, ಎನ್.ಎಲ್.ಚನ್ನೇಗೌಡ ಸಕಲೇಶಪುರ, ಬಸಯ್ಯ ಗು.ಮಳಿಮಠ ಹುಬ್ಬಳ್ಳಿ, ಕಮಲಾಮೂರ್ತಿ ತುಮಕೂರು, ಹಾ.ಮ.ಸತೀಶ ಗೂಡಿನಬಳಿ, ಎಂ.ಅಲಿ ಮುಕ್ಕ, ಹರಿದಾಸ ಬಂಗ್ರಕೂಳೂರು, ರಂಜಿತ್ ಎಸ್.ಶೆಟ್ಟಿ ಕಟೀಲು, ಕು.ವಿಶಾಲಾಕ್ಷಿ ಕಲ್ಲಾಪು, ಬೇಕಲ ರಾಮರಾಜ ಫಳ್ನೀರ್, ಸುಜಿ ಕುರ್ಯ ಪುತ್ತೂರು, ಕು.ಕೆ.ಎಸ್.ಸುಜಾತಾ ತಿಪಟೂರು, ಮಹಾಬಲ ಆಳ್ವ ಮಡಿಮೊಗರ್, ಧನಂಜಯ ಕುಂಬ್ಳೆ, ಕುದೂರು ಕೆ.ಸಿ.ಮಂಜುನಾಥ ರಾವ್ ಮಾಗಡಿ, ಶ್ರೀಮತಿ ದೇವಕೀ ಜೆ.ಎಸ್.ಭಟ್ ಪುತ್ತೂರು, ಕು.ಟಿ.ಕೆ.ವಾಸಂತಿ ವಿರಾಜಪೇಟೆ, ಮಹಮ್ಮದ್ ಫಹೀಮ್ ಎನ್.ಗಂಗೊಳ್ಳಿ, ಎಂ.ಜಿ.ಪಣೀಂದ್ರ ಕುಮಾರ್ ಮೈಸೂರು, ಶ್ರೀಮತಿ ಶಕುಂತಳಾ ರಾವ್ ಹಾಸನ, ಎ.ಕವಿತಾ ಕುಮಾರಿ ಅಡೂರು, ವಿಜಯಾ ಪಿ.ಕುದರಿ, ಶ್ರೀಮತಿ ಶಕುಂತಲಾರಾಜ್ ಹಾಸನ, ಟಿ.ಕೆ.ಮಾಧವಿಲತಾ ಬಾಳಗಡಿ, ಎಚ್.ಎಂ.ವಿಶ್ವಾರಾಧ್ಯ ಕೊರಟಗೆರೆ, ಆರ್.ಈಶ್ವರ ರಾವ್ ಬೆಂಗಳೂರು, ಟಿ.ಎಂ.ಅರವಿಂದ ಶಿವಮೊಗ್ಗ, ಬೇರಿಕೆ ಬಾಲಕೃಷ್ಣ, ಎನ್.ದಸ್ತಗೀರ್ ಸಾಬ್ ರಾಯಚೂರು, ವಾಸುದೇವ ನಾಡಿಗ್ ಶಿವಮೊಗ್ಗ, ಶೈಲೇಂದ್ರ ಬಂದಗದ್ದೆ ಕೆಳದಿ, ವಿ.ಸು.ಭ.ಕುಂಟಪದವು ಕೊಡ್ಲಮೊಗರು, ಪ್ರೊ.ಶಿವಕುಮಾರ ಕಲ್ಲೂರ ಹರಪನಹಳ್ಳಿ, ಯಶೋದಾಕೃಷ್ಣ ಹೆಗಡೆ ಹೊನ್ನಗದ್ದೆ, ಆಶಾ ಜೆ.ಕುಕ್ಕುಂದೂರು ಇವರುಗಳ ಬರೆಹಗಳು ಪತ್ರಿಕೆಯಲ್ಲಿ ಪ್ರಕಟವಾಗಿವೆ. ಪತ್ರಿಕೆ ಒಂದು ವರ್ಷವನ್ನು ಪೂರೈಸಿದಾಗ ವಿಶೇಷಾಂಕವನ್ನು ಪ್ರಕಟಿಸಲಾಗಿತ್ತು.

‘ಹೊಸಸಂಜೆ’, ಮಂಗಳೂರಿನಿಂದ ಪ್ರಕಟವಾಗುತ್ತಿದ್ದ ಸಂಜೆ ದಿನಪತ್ರಿಕೆ. ಗಾವಳಿ ಪ್ರಭಾಕರ ಕಿಣಿ ಸಂಪಾದಕರಾಗಿದ್ದರು. ಮೋಹನ ಬೋಳಂಗಡಿ, ಚಿದಾನಂದ, ಶ್ರೀರಾಮ ದಿವಾಣ ಮೊದಲಾದವರು ಉಪಸಂಪಾದಕರಾಗಿಯೂ, ವರದಿಗಾರರಾಗಿಯೂ ಇದ್ದರು.

ಕಾಸರಗೋಡಿನಿಂದ ಪ್ರಕಟವಾಗುತ್ತಿದ್ದ ಸಂಜೆ ದೈನಿಕ ‘ಪ್ರತಿಸೂರ್ಯ’, ಕೆ.ಭಾಸ್ಕರ ಸಂಪಾದಕರಾಗಿದ್ದರು. ಸದಾನಂದ ಪೆರ್ಲ ಉಪ ಸಂಪಾದಕ, ವರದಿಗಾರರಾಗಿದ್ದರು.

”ಸೌಹಾರ್ದ” ಶಿವಮೊಗ್ಗದಿಂದ ಪ್ರಕಟವಾಗುತ್ತಿದ್ದ, 2000, ಜುಲೈನಲ್ಲಿ ಆರಂಭವಾದ ಮಾಸಪತ್ರಿಕೆ. ‘ಕೋಮುವಾದಕ್ಕೆ ನಮ್ಮ ವಿರೋಧ’ ಎಂಬುದು ಪತ್ರಿಕೆಯ ಘೋಷಣೆಯಾಗಿತ್ತು. ವೈ.ಗ.ಜಗದೀಶ್ ಸಂಪಾದಕರಾಗಿದ್ದರು. ಪ್ರೊ.ರಾಜೇಂದ್ರ ಚೆನ್ನಿ, ಪ್ರೊ.ಹೆಚ್.ರಾಚಪ್ಪ, ಪ್ರೊ.ಶ್ರೀಕಂಠ ಕೂಡಿಗೆ, ಡಾ.ರಾಜಾರಾಮ ಹೆಗಡೆ, ಪ್ರೊ.ಜೆ.ಎಸ್.ಸದಾನಂದ, ಎಸ್.ಸಿರಾಜ್ ಅಹಮ್ಮದ್, ಸುರೇಶ್ ಭದ್ರಾವತಿ ಮಾರ್ಗದರ್ಶಕ ಮಂಡಳಿಯಲ್ಲಿದ್ದರು. ಗಾಂಧಿ ಬಜಾರ್ ನ  ಮಲ್ನಾಡ್ ಆಫ್ ಸೆಟ್ ಪ್ರಿಂಟರ್ಸ್ ಅಂಡ್ ಪಬ್ಲಿಷರ್ಸ್ ನಲ್ಲಿ ಪ್ರಕಟವಾಗುತ್ತಿದ್ದ ಪತ್ರಿಕೆಯ ಕಚೇರಿ, ಬಿ.ಎಚ್.ರಸ್ತೆಯ ಮಾರುತಿ ಬಿಲ್ಡಿಂಗ್ ನಲ್ಲಿತ್ತು. ಬಿಡಿ ಪ್ರತಿಯ ಬೆಲೆ 5 ರು. ಆಗಿತ್ತು.

ರಹಮತ್ ತರೀಕೆರೆ, ಜಿ.ರಾಜಶೇಖರ್, ತಂಬಡ ವಿಜಯ್ ಪೂಣಚ್ಚ, ಕೆ.ಫಣಿರಾಜ್, ಹಯವದನ ಉಪಾಧ್ಯ, ಬಿ.ಜಿ.ಕೃಷ್ಣಮೂರ್ತಿ ಮೊದಲಾದವರ ಬರೆಹಗಳು ‘ಸೌಹಾರ್ದ’ದಲ್ಲಿ ಪ್ರಕಟವಾಗುತ್ತಿತ್ತು.   

‘ಕರಾವಳಿ ರಿಪೋರ್ಟರ್’, ಮಂಗಳೂರಿನಿಂದ ಪ್ರಕಟವಾಗುತ್ತಿದ್ದ ವಾರ ಪತ್ರಿಕೆ. ಶ್ರೀರಾಮ ದಿವಾಣ ಅವರು ಸಂಪಾದಕ, ಪ್ರಕಾಶಕ, ಮುದ್ರಕರಾಗಿದ್ದರು. ರಾಮಕೃಷ್ಣ ಭಟ್ ಛಾಯಾಗ್ರಾಹಕರಾಗಿದ್ದರು.

‘ಕ್ರೈಂ ರಿಪೋರ್ಟರ್’, ಉಡುಪಿಯಿಂದ ಪ್ರಕಟವಾಗುತ್ತಿದ್ದ ಪಾಕ್ಷಿಕ ಪತ್ರಿಕೆ. ಶ್ರೀರಾಮ ದಿವಾಣ ಅವರು ಸಂಪಾದಕ, ಪ್ರಕಾಶಕ ಮತ್ತು ಮುದ್ರಕರಾಗಿದ್ದರು. ರಾಧಾಕೃಷ್ಣ ಶಾಸ್ತ್ರೀ ಅವರ ಲೇಖನಗಳು ಇದರಲ್ಲಿ ಪ್ರಕಟವಾಗುತ್ತಿತ್ತು.

ಮಂಗಳೂರಿನ ಆಂಡೋಪೌಲ್ ಪುತ್ತೂರು ಅವರ ಪತ್ರಿಕೆಯಾಗಿದ್ದ ‘ಉಡುಪಿ ನ್ಯೂಸ್’ ವಾರ ಪತ್ರಿಕೆಯನ್ನು ಜಗದೀಶ್ ಆರ್.ಬಿ.ಅವರು ನಡೆಸುತ್ತಿದ್ದರು. ಶ್ರೀರಾಮ ದಿವಾಣ ಸುದ್ಧಿ ಸಂಪಾದಕರಾಗಿದ್ದರು. ರಾಕೇಶ್ ಕುಂಜೂರು ವರದಿಗಾರರಾಗಿದ್ದರು. ನಾಗರಾಜ ನಾಯ್ಕ ಅಂಕೋಲಾ, ವಾಣಿ ಪರ್ಕಳ ಮುಂತಾದವರು ಇದಕ್ಕೆ ಬರೆಯುತ್ತಿದ್ದರು.

ಮಲ್ಲಿಕಾರ್ಜುನಯ್ಯ ಅವರು ಮಂಗಳೂರಿನಲ್ಲಿ ಆರಂಭಿಸಿದ ಸಂಜೆ ದಿನಪತ್ರಿಕೆ ‘ಮಂಗಳೂರು ಮಿತ್ರ’. ಇದನ್ನು ಬಳಿಕ ಎಸ್.ಕೆ.ಸನಿಲ್ ಖರೀದಿಸಿದ್ದರು. ಎಸ್.ಕೆ.ಸನಿಲ್ ಸಂಪಾದಕರಾಗಿದ್ದಾಗ, ಮುಳಿಯ ಭೀಮ ಭಟ್ ಅವರು ಸುದ್ದಿ ಸಂಪಾದಕರಾಗಿದ್ದರು. 2017ರಲ್ಲಿ ಪತ್ರಿಕೆಯ ಪ್ರಕಟಣೆ ಸ್ಥಗಿತಗೊಂಡಿತು. ಕರುಣಾ ಪೆರ್ಲ, ಚಿದಂಬರ ಬೈಕಂಪಾಡಿ, ಶ್ರೀರಾಮ ದಿವಾಣ, ಪ್ರಕಾಶ್ ಮಂಜೇಶ್ವರ್, ವಿಷ್ಣು ಭರಾಧ್ವಾಜ್, ಜಗದೀಶ್ ಆರ್.ಬಿ. ಮುಂತಾದವರು ಪತ್ರಿಕೆಯ ಉಪ ಸಂಪಾದಕರು, ವರದಿಗಾರರಾಗಿ ವಿವಿಧ ಅವಧಿಗಳಲ್ಲಿ ಕೆಲಸ ಮಾಡಿದವರು. ಗಣಪತಿ ದಿವಾಣ ಅವರ ಅಂಕಣ ಬರೆಹಗೂ ಪ್ರಕಟವಾಗುತ್ತಿತ್ತು.

”ನೇತ್ರಾವತಿ ವಾರ್ತೆ” ಮಂಗಳೂರಿನಿಂದ ಪ್ರಕಟವಾಗುತ್ತಿದ್ದ ದಿನ ಪತ್ರಿಕೆ. ಕೆ.ಬಾಲಕೃಷ್ಣ ಗಟ್ಟಿ ಇದರ ಸಂಪಾದಕರಾಗಿದ್ದರು.

”ವೇದಪ್ರಕಾಶ” ಉಡುಪಿಯಿಂದ ಪ್ರಕಟವಾಗುತ್ತಿದ್ದ ಮಾಸ ಪತ್ರಿಕೆ. ವೇದ ಪ್ರಚಾರಕ್ಕೆ ಮೀಸಲಾಗಿದ್ದ ಇದನ್ನು ಸಂಜೀವ ಕಾಮತ್ ಪ್ರಕಟಿಸುತ್ತಿದ್ದರು. ಪಂಡಿತ ಸುಧಾಕರ ಚತುರ್ವೇದಿ ಮುಂತಾದ ಶ್ರೇಷ್ಠರ ಜ್ಞಾನಪೂರಿತ ಬರೆಹಗಳು ಪ್ರಕಟವಾಗುತ್ತಿತ್ತು. 

‘ಟೈಂ ಪಾಸ್’, ಮಂಗಳೂರು ಪದವಿನಂಗಡಿಯ ಕೆ.ಪಿ.ಅಶ್ವಿನ್ ರಾವ್ ಪ್ರಕಟಿಸುತ್ತಿದ್ದ ಖಾಸಗಿ ಮಾಸಿಕ.

ಉಡುಪಿಯಲ್ಲಿ ಆರಂಭವಾದ, ಕೆಲವು ವರ್ಷಗಳ ಕಾಲ ಸಕ್ರಿಯವಾಗಿದ್ದ ‘ಜನಪರ ವೇದಿಕೆ’ ಅಥವಾ ‘ಕರ್ನಾಟಕ ಜನಪರ ವೇದಿಕೆ’ಯ ಮುಖವಾಣಿ. ಸಂಪಾದಿಸಿ, ಪ್ರಕಟಿಸುತ್ತಿದ್ದವರು ಶ್ರೀರಾಮ ದಿವಾಣ.

‘ಕೃಷಿಕರ ಸಂಘಟನೆ’, ಕಾರ್ಕಳದಿಂದ ಪ್ರಕಟವಾಗುತ್ತಿದ್ದ ವಾರ ಪತ್ರಿಕೆ. ಜನಸಂಘದಿಂದ ಒಂದು ಬಾರಿ ಶಾಸಕರಾದ, ವಕೀಲರೂ ಆಗಿದ್ದ ಬೋಳ ರಘುರಾಮ ಶೆಟ್ಟಿ ಸಂಪಾದಕರಾಗಿದ್ದರು. ಹರಿಶ್ಚಂದ್ರ ಶೆಟ್ಟಿ, ಪ.ರಾ.ಶಾಸ್ತ್ರೀ, ಗಣಪತಿ ದಿವಾಣ ಮೊದಲಾದವರು ಪತ್ರಿಕೆಗೆ ಬರೆಯುತ್ತಿದ್ದರು.

”ಚಂದ್ರಕಾಂತಿ”, ಉಡುಪಿಯಿಂದ ಪ್ರಕಟವಾಗುತ್ತಿದ್ದ ಮಾಸಿಕ. ಪುಸ್ತಕ ರೂಪದಲ್ಲಿ ಬರುತ್ತಿದ್ದ ಇದರಲ್ಲಿ ಕೋಟಗನಹಳ್ಳಿ ಚಂದ್ರು, ಬೇಕಲ ರಾಮರಾಜ, ಆರ್.ಆರ್.ಬಂಡಿ, ಸುಶೀಲ ಗರ್ಡೆ, ಕೆ.ಎ.ಕುಬಣೂರಾಯ, ಎಮ್ಮಾರ್, ಎಂ.ಆರ್.ಬಡಾನಿಡಿಯೂರು, ಜಯರಾಮ ಕಾರಂತ, ಎಚ್.ದುಂಡಿರಾಜ್, ಎ.ರವಿಶಂಕರ್ ಮಧೂರ್, ಸುಜಾತಾ ಬಡಾನಿಡಿಯೂರು, ಕೆ.ಸಂಜೀವ ಶೆಟ್ಟಿ ಉಡುಪಿ, ಡಾ.ಕೆ.ಬಾಲಕೃಷ್ಣ ಭಟ್, ಡಾ.ಸಿ.ಆನಂದರಾಮ ಉಪಾಧ್ಯ, ಶಾಂತೂ ಮಲ್ಪೆ, ಲಕ್ಷ್ಮಣ್ ನಾಯಕ್ ಮೊದಲಾದವರು ಬರೆಯುತ್ತಿದ್ದರು.

 

 

 

Leave a Reply

Your email address will not be published. Required fields are marked *