Realtime blog statisticsweb statistics
udupibits.in
Breaking News
# ಮಂಗಳೂರು ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣಕ್ಕೆ ಕಮಲಾದೇವಿ ಚಟ್ಟೋಪಾಧ್ಯಾಯ ಹೆಸರಿಡಲು ಕರ್ನಾಟಕ ರಾಜ್ಯೋತ್ಸವ ಪ್ರಶಸ್ತಿ ಪುರಸ್ಕೃತ ನಿವೃತ್ತ ಪತ್ರಕರ್ತ ಅಮ್ಮೆಂಬಳ ಆನಂದರಿಂದ ಸಿಎಂ ಕುಮಾರಸ್ವಾಮೀಗೆ ಮನವಿ.

ಸಾವಿರ ಸುಳ್ಳು ಹೇಳಿ ಮದುವೆ ಮಾಡು, ಹಳೆಯ ಗಾದೆ. ಸಾವಿರ ಸುಳ್ಳು ಹೇಳಿ ಅಧಿಕಾರಕ್ಕೆ ಬರಬೇಕು, ಹೊಸ ಗಾದೆ !

ಉಪ್ಪಿನಕಾಯಿ-20: ಶ್ರೀರಾಮ ದಿವಾಣ

 

  • 1975ರಲ್ಲಿ ಇಂದಿರಾ ಗಾಂಧಿ ಸರ್ಕಾರ ಹೇರಿದ್ದ ತುರ್ತುಪರಿಸ್ಥಿತಿ ವಿರೋಧಿಸಿ ಜೈಲುವಾಸ ಅನುಭವಿಸಿದವರಿಗೆ ಸ್ವಾತಂತ್ರ್ಯ ಹೋರಾಟಗಾರರ ಸ್ಥಾನಮಾನ ನೀಡುವ ಕುರಿತು ಸರ್ಕಾರ ಕ್ರಮವಹಿಸಿದೆ. – ಮಹಾರಾಷ್ಟ್ರ ಮುಖ್ಯಮಂತ್ರಿ ದೇವೇಂದ್ರ ಫಡಣವೀಸ್‌.

#  ಹಿಂದೂ ಯುವತಿಯರ ಜತೆ ಮಾತನಾಡಿದ್ದಕ್ಕೆ ಮುಸ್ಲೀಂ ಯುವಕರ ಮೇಲೆ ಹಲ್ಲೆ ನಡೆಸಿ ಜೈಲಿಗೆ ಹೋದವರಿಗೆ ಮತ್ತು ಗೋಸಾಗಾಟ ಮಾಡುತ್ತಿದ್ದವರ ಮೇಲೆ ಹಲ್ಲೆ ನಡೆಸಿ, ಕೊಲೆಗೈದು ಜೈಲಿಗೆ ಹೋದವರಿಗೆ ಬಿಜೆಪಿ ಸರಕಾರಗಳು ಸ್ಥಾನಮಾನ ಕೊಟ್ಟರೆ ಆಶ್ಚರ್ಯವಿಲ್ಲ.

 

  • ದೆಹಲಿಯಲ್ಲಿನ ರೋಹಿಣಿ ಆಶ್ರಮದಲ್ಲಿ ಅಕ್ರಮವಾಗಿ ಬಂಧನದಲ್ಲಿ ಇರಿಸಿಕೊಳ್ಳಲಾಗಿದ್ದ 40ಕ್ಕೂ ಹೆಚ್ಚು ಹುಡುಗಿಯರನ್ನು ಗುರುವಾರ ರಕ್ಷಣೆ ಮಾಡಲಾಗಿದೆ. – ಪತ್ರಿಕಾ ವರದಿ.

# ಹಿಂದೂ ಧರ್ಮದ ಮೇಲೆ ನಡೆಸಿದ ಕ್ರೂರ ದಾಳಿ ಇದು. ಇದರ ಹಿಂದೆ ಕಾಂಗ್ರೆಸ್ ಮತ್ತು ಪಾಕಿಸ್ಥಾನದ ಕೈವಾಡವಿದೆ. – ಬಿಡುಗಡೆಯಾಗದ ಹೇಳಿಕೆ.

 

  • 2ಜಿ ತರಂಗಾಂತರ ಹಂಚಿಕೆಯಿಂದ ಸರ್ಕಾರಕ್ಕೆ 76 ಲಕ್ಷ ಕೋಟಿ ನಷ್ಟವಾಗಿದೆ ಎಂಬ ಕಾಲ್ಪನಿಕ ಅಂದಾಜಿನ ವರದಿ ನೀಡಿದ ಮಾಜಿ ಮಹಾಲೇಖಪಾಲ (ಸಿಎಜಿ) ವಿನೋದ್‌ ರಾಯ್‌ ರನ್ನುನರೇಂದ್ರ ಮೋದಿ ನೇತೃತ್ವದ ಸರ್ಕಾರ ಹಲವು ಪ್ರಮುಖ ಹುದ್ದೆಗಳಿಗೆ ನೇಮಿಸಿದೆ. ಈ ಎಲ್ಲವುಗಳಿಗೂ ಅವರು ರಾಜೀನಾಮೆ ಕೊಡಬೇಕು. ಕೇಂದ್ರ ಸರ್ಕಾರ ನೀಡಿರುವ ಪದ್ಮಭೂಷಣ ಪುರಸ್ಕಾರವನ್ನು ಹಿಂದಕ್ಕೆ ಪಡೆಯಬೇಕು. – ಕಾಂಗ್ರೆಸ್ ನಾಯಕರು.

#  ನರೇಂದ್ರ ಮೋದಿಗೆ ತಾನು ಮಾಡಿದ ಉಪಕಾರಕ್ಕೆ ಪ್ರತಿಯಾಗಿ ತನ್ನನ್ನು ಉಪ ಪ್ರಧಾನಿ ಮಾಡಬೇಕು ಎಂಬುದು ವಿನೋದ್ ರಾಯ್ ಹಕ್ಕೊತ್ತಾಯವಂತೆ !  

 

  • ದೊಡ್ಡ ಹಗರಣ (2ಜಿ) ವೊಂದರಲ್ಲಿ ಸರ್ಕಾರದ ಉನ್ನತ ವ್ಯಕ್ತಿಗಳು ಭಾಗಿಯಾಗಿದ್ದಾರೆ ಎಂಬುದು ಸುಳ್ಳಾಗಿತ್ತು. ಈಗ ಅದು ಸುಳ್ಳು ಎಂಬುದು ಸಾಬೀತಾಗಿದೆ. 2014ರ ಲೋಕಸಭಾ ಚುನಾವಣೆಯಲ್ಲಿ ಯುಪಿಎ ಮೇಲಿನ ಈ ಭ್ರಷ್ಟಾಚಾರ ಆರೋಪಗಳನ್ನೇ ಬಿಜೆಪಿ ಮುಖ್ಯ ವಿಷಯವಾಗಿಸಿತ್ತು. ಈ ಚುನಾವಣೆಯಲ್ಲಿ ಕಾಂಗ್ರೆಸ್‌ಗೆ ಹೀನಾಯ ಸೋಲಾಗಿತ್ತು. ಬಿಜೆಪಿ ಪ್ರಚಂಡ ವಿಜಯ ಗಳಿಸಿತ್ತು. – ಪತ್ರಿಕಾ ವರದಿ.

# ಸಾವಿರ ಸುಳ್ಳು ಹೇಳಿ ಮದುವೆ ಮಾಡು, ಹಳೆಯ ಗಾದೆ. ಸಾವಿರ ಸುಳ್ಳು ಹೇಳಿ ಅಧಿಕಾರಕ್ಕೆ ಬರಬೇಕು, ಹೊಸ ಗಾದೆ !

 

  • ಏಳು ವರ್ಷಗಳಿಂದ ಬೇಸಿಗೆ ರಜೆಯಲ್ಲಿಯೂ ಬೆಳಿಗ್ಗೆ 10ರಿಂದ ಸಂಜೆ 5ರ ವರೆಗೂ ಕೋರ್ಟ್‌ನಲ್ಲಿ ಕಾನೂನಾತ್ಮಕವಾಗಿ ಪರಿಗಣಿಸಬಹುದಾದ ಸಾಕ್ಷ್ಯಾಧಾರಗಳಿಗಾಗಿ ಕಾದು ಕುಳಿತಿದ್ದೆ. ಆದರೆ, ಎಲ್ಲವೂ ವ್ಯರ್ಥ. – ಸಿಬಿಐ ವಿಶೇಷ ನ್ಯಾಯಾಧೀಶ ಒ.ಪಿ. ಸೈನಿ (2ಜಿ ಹಗರಣದ ತೀರ್ಪಿನಲ್ಲಿ)

# ವ್ಯರ್ಥ ನಷ್ಟಕ್ಕೆ ಯಾರು ಹೊಣೆ ? ನಷ್ಟಕ್ಕೆ, ಮಾನಹಾನಿಗೆ ಹೊಣೆಗಾರರನ್ನಾಗಿ ಮಾಡುವ ಕೆಲಸವನ್ನು, ವ್ಯವಸ್ಥೆಯನ್ನು ಜಾರಿಗೊಳಿಸುವುದು ಯಾರು, ಯಾವಾಗ ?

 

  • ಪ್ರಕಾಶ್ ರೈ ಅಥವಾ ಪ್ರಕಾಶ್ ರಾಜ್. ನಾನು ಯಾರು ಎಂದು ಪ್ರತಾಪ ಸಿಂಹ ಪ್ರಶ್ನಿಸಿದ್ದಾರೆ. ನನ್ನ ತವರಿನ ಈ ವೇದಿಕೆಯಿಂದಲೇ ಅವರಿಗೆ ಉತ್ತರ ನೀಡುತ್ತಿದ್ದೇನೆ ಎಂದ ಅವರು, ನಾನು ಪ್ರಕಾಶ್ ರೈ ಆಗಿರಲಿ, ಪ್ರಕಾಶ್ ರಾಜ್ ಆಗಿರಲಿ. ಇದರಿಂದ ನಿಮಗೇನು‌‌ ಸಮಸ್ಯೆ ಎಂದು ಪ್ರಶ್ನಿಸಿದರು. – ಪತ್ರಿಕಾ ವರದಿ.

# ಸಮಸ್ಯೆ ಮಾನಸಿಕದ್ದು !

 

  • ಪ್ರಕಾಶ್ ರೈ ನನ್ನ ನಿಜವಾದ ಹೆಸರು. ಪ್ರಕಾಶ್ ರಾಜ್ ಸಿನಿಮಾ ಹೆಸರು. ನನ್ನನ್ನು ಪ್ರಶ್ನಿಸುವ‌‌ ನೀವು, ರಜನೀಕಾಂತ್‌, ರಾಜ್‌ಕುಮಾರ್‌, ವಿಷ್ಣುವರ್ಧನ್ ಅವರನ್ನು‌ ಪ್ರಶ್ನಿಸುತ್ತೀರಾ ? – ಪ್ರಕಾಶ್ ರೈ (ಖ್ಯಾತ ಬಹುಭಾಷಾ ನಟ)

# ಕೊನೆಗೂ ಬೆತ್ತಲಾದ ಪ್ರತಾಪ !

 

  • ನಮ್ಮದು ಆಧ್ಯಾತ್ಮಿಕ, ಧಾರ್ಮಿಕ ಪರಂಪರೆಯ, ಸಾಧು– ಸಂತರ, ಪುಣ್ಯ ಪುರುಷರ ದೇಶ. ಅವರನ್ನು ಪೂಜಿಸಬೇಕೇ ಹೊರತು ಟಿಪ್ಪು ಸುಲ್ತಾನನನ್ನಲ್ಲ. – ಉತ್ತರ ಪ್ರದೇಶದ ಮುಖ್ಯಮಂತ್ರಿ ಯೋಗಿ ಆದಿತ್ಯನಾಥ.

# ನಿಮ್ಮ ಹಿಂದೂ ಧರ್ಮ ಶುರುವಾಗುವುದಕ್ಕಿಂತ ಮೊದಲಿನ ಕಥೆಯನ್ನೇ ಮತ್ತೆ ಮತ್ತೆ ಹೇಳ್ತಿದ್ದೀರಲ್ಲಾ ? ಹಳೆ ಕಥೆ ಸಾಕು, ಹೊಸ ಕಥೆ ಹೇಳಿ…

Leave a Reply

Your email address will not be published. Required fields are marked *