Realtime blog statisticsweb statistics
udupibits.in
Breaking News
ಮಂಗಳೂರು: ಸಾರಿಗೆ ಸಚಿವ ಡಿ.ಸಿ.ತಮ್ಮಣ್ಣರಿಂದ ಹೇಳಿಕೆ- ಚುನಾವಣಾ ನೀತಿ ಸಂಹಿತೆ ಉಲ್ಲಂಘನೆ ಆರೋಪ

ಕುಕ್ಕೆ ಕ್ಷೇತ್ರದ ಚಾರಿತ್ರಿಕ ಹಿನ್ನೆಲೆ- 2

  • ಡಾ.ಮ.ಸು.ಅಚ್ಚುತ ಶರ್ಮಾ

# ಈ ಕ್ಷೇತ್ರವು ಸಾಧಾರಣ ಎರಡು ಶತಮಾನಗಳ ಹಿಂದೆ ಒಂದು ದೊಡ್ಡ ಪಟ್ಟಣವಾಗಿತ್ತೆಂಬುದು ಇಲ್ಲಿಯ ಸುತ್ತುಮುತ್ತಲಿನ ಸನ್ನಿವೇಶಗಳಿಂದ ತಿಳಿದುಬರುತ್ತದೆ. ಆ ಸಮಯದಲ್ಲಿ ಇಲ್ಲಿಗೆ ಕುಕ್ಕೆ ಪಟ್ಟಣವೆಂಬ ಹೆಸರಿತ್ತು. ವಿಜಯ ನಗರದ ಆಡಳಿತ ಕಾಲದಲ್ಲಿ ಈ ಕ್ಷೇತ್ರವು ಅನೇಕ ರಾಜರುಗಳಿಂದ ಕೊಡಲ್ಪಟ್ಟ ಉಂಬಳಿ ವರಾಡಗಳಿಂದ ಬಹಳ ವೈಭವಯುಕ್ತವಾಗಿ ಮೆರೆಯುತ್ತಿತ್ತೆಂದು ತಿಳಿಯಬೇಕಾಗಿದೆ.

ವಿಜಯ ನಗರದ ರಾಜ್ಯಾಡಳಿತವು ಬಿದ್ದುಹೋಗುವ ಸಮಯದಲ್ಲಿ ರಾಜ್ಯವು ಖಂಡ ಖಂಡವಾಗಿ ಪಾಳೆಗಾರರ ಅಧಿಕಾರಕ್ಕೆ ಬಂದು ಈ ಕ್ಷೇತ್ರವು ಬಂಗರ ವಡೆತನದಲ್ಲಿ ದೇವಳದ ಸರ್ವ ಆಡಳಿತೆಯನ್ನು ತೌಳವ ಸ್ಮಾರ್ತ ದ್ರಾವಿಡ ಬ್ರಾಹ್ಮಣರಾದ- ಅಲ್ಲಿಯ ಸ್ಥಾನೀಕ ಶಿವ ಬ್ರಾಹ್ಮಣರು ನಡೆಸಿಕೊಂಡು ಬರುತ್ತಿದ್ದರು. ಇದು ಸಾಧಾರಣ ೧೮೧೭ರ ವರೆಗೂ ನಡೆದುಕೊಂಡು ಬರುತ್ತಿತ್ತು (vide, o.s.27/1886, ಜಡ್ಜ್ ಮೆಂಟ್ ಮತ್ತು ದೇವಳದ ತಾಮ್ರ ಶಾಸನ, ವಗೈರೆ).

ವಿಜಯ ನಗರವು ರಾಜ್ಯವನ್ನು ಕಳೆದುಕೊಂಡ ಸಮಯ ಹಿಂದೂ ದೇವಾಲಯಗಳು ಹಾಳಾಗದಂತೆಯೂ ದೇವಳದ ನಿತ್ಯ ನೈಮಿತ್ತಿಕ ಪೂಜಾ ವಗೈರೆ ಕರ್ಮಗಳು ಸಾಂಗವಾಗಿ ನಡೆದುಕೊಂಡು ಬರುವಂತೆಯೂ ನಗರ ಸಂಸ್ಥಾನದ ಆಗಿನ ಮಹಾರಾಜರು ದೇವಾಲಯಗಳ ಎಲ್ಲಾ ಹಕ್ಕನ್ನು ಸ್ಥಾನೀಕ ಬ್ರಾಹ್ಮಣರಿಗೆ ಬಿಟ್ಟುಕೊಟ್ಟಿರುತ್ತಾರಾಗಿ ತಿಳಿದುಬರುತ್ತದೆ. (vida the third dynesty of vijaya nagar by venkatraman university reader madras) ಈ ಸ್ಥಾನೀಕ ಬ್ರಾಹ್ಮಣರು ಶ್ರೀ ಶೃಂಗೇರಿ ಮಠದ ಶಿಷ್ಯರು.

ದಕ್ಷಿಣ ಕನ್ನಡ ಜಿಲ್ಲೆಯು ಪಾಳೆಯಗಾರರ ಙಆಡಳಿತೆಗೆ ಬಂದಾಗ ಕನ್ನಡ ಜಿಲ್ಲೆಯ ಉತ್ತರದಲ್ಲಿ ಚೌಟರೂ, ದಕ್ಷಿಣದಲ್ಲಿ ಬಂಗರೂ ಆಳಿಕೊಂಡಿದ್ದರು. ಬಂಗರು ದಕ್ಷಿಣದಲ್ಲಿ ಎಂದರೆ ಬೆಳ್ತಂಗಡಿ, ಉಪ್ಪಿನಂಗಡಿ, ಪುತ್ತೂರು ಮತ್ತು ನಂದಾವರಗಳೆಂಬ ಐದು ಸ್ಥಳಗಳಲ್ಲಿ ತಮ್ಮ ಮುಖ್ಯ ಬೀಡುಗಳನ್ನು ಕಟ್ಟಿಕೊಂಡು ಆಳುತ್ತಿದ್ದರು. ಬಂಗರ ಪೈಕಿ ಬಲ್ಲಾಳರಾಯನೆಂಬವನು ಸುಬ್ರಹ್ಮಣ್ಯ ಸೀಮೆಗೆ ವಡೆಯನಾಗಿದ್ದನು. ಅವನ ಒಂದು ಬೀಡು ಕುಳಕುಂದದಲ್ಲೂ ಮತ್ತೊಂದು ಇಂಜಾಡಿ ಎಂಬಲ್ಲೂ ಇತ್ತು. ಆ ಸ್ಥಳಗಳಲ್ಲಿ ಇವರ ಬೀಡುಗಳ ಕುರುಹುಗಳನ್ನು ನಾವು ಈಗಲೂ ಕಾಣಬಹುದು.

ಮುಂದುವರಿಯುವುದು

Leave a Reply

Your email address will not be published. Required fields are marked *