Realtime blog statisticsweb statistics
udupibits.in
Breaking News
ಉಡುಪಿ: ಬಿಜೆಪಿ ಅಭ್ಯರ್ಥಿ ಶೋಭಾ ಕರಂದ್ಲಾಜೆ ಹಾಗೂ ಬಿಜೆಪಿ ಬೆಂಬಲಿಸಿ ವರದಿ ಪ್ರಕಟಿಸಿದ ಉದಯವಾಣಿ ವಿರುದ್ಧ ಶ್ರೀರಾಮ ದಿವಾಣರಿಂದ ಚುನಾವಣಾ ಆಯೋಗಕ್ಕೆ ದೂರು

ಪುತ್ತೂರು ಕ್ಷೇತ್ರದ ಚಾರಿತ್ರಿಕ ಹತ್ತು ಚೋದ್ಯಗಳು ಮತ್ತು ಪೊಳಲಿ ಕ್ಷೇತ್ರ- ಭಾಗ 11

* ಡಾ.ಮ.ಸು.ಅಚ್ಚುತ ಶರ್ಮಾ

# ನಟ್ಟೋಜಿ ಮನೆತನದ ಮತ್ತೊಬ್ಬನು ಪುತ್ತೂರಿಗೆ ಬಂದು ಸ್ನಾನ ಆಹ್ನೀಕ ತೀರಿಸಿ ತನ್ನ ಕೈಯಲ್ಲಿದ್ದ ಶಿವಲಿಂಗಾರ್ಚನೆಯನ್ನು ಮಾಡಿ ಹೊರಡುವಾಗ ಕೆಳಗೆ ಇರಿಸಿದ ಲಿಂಗವನ್ನು ತೆಗೆದು ಪುನಃ ಸಂಪುಟದೊಳಗೆ ಹಾಕುವಾಗ ಕೆಳಗೆ ಇಟ್ಟ ಶಿವ ಲಿಂಗವು ತೆಗೆಯಲು ಬಾರದೆ ನೆಲದಲ್ಲಿಯೇ ಸ್ಥಂಬವಾಯಿತು. ಆ ಲಿಂಗವನ್ನು ಏನು ಪ್ರಯತ್ನ ಮಾಡಿದರೂ ತೆಗೆಯಲು ಸಾಧ್ಯವಾಗದೆ ಇದ್ದುದರಿಂದ ಈ ವರ್ತಮಾನವನ್ನು ಅಲ್ಲಿಯ ಆಗಿನ ಬಂಗರ ಬಲ್ಲಾಳರಾಜರಿಗೆ ತಿಳಿಸಿದರು. ಬಲ್ಲಾಳರಾಜರು ಜನರನ್ನು ಕಳುಹಿಸಿ ಅಡಿಯನ್ನು ಶೋಧನೆ ಮಾಡಿ ತೆಗೆಯಲು ಪ್ರಯತ್ನಿಸಿದರೂ ಅದರಿಂದ ಪ್ರಯೋಜನವಾಗದೆ ಇದ್ದುದರಿಂದ ರಾಜನು ತನ್ನ ಪಟ್ಟದಾನೆಯನ್ನು ತರಿಸಿ ಲಿಂಗಕ್ಕೆ ಕಬ್ಬಿಣದ ಸಂಕಲೆಯನ್ನು ಹವಣಿಸಿ ಲಿಂಗವನ್ನು ಕೀಳಲು ಕೊಟ್ಟರು. ಆನೆಯು ತಲೆಕೊಟ್ಟು ದೂಡಿದಾಗ ಲಿಂಗವು ಸ್ವಲ್ಪ ಮಾಲಿದಂತೆ ನಟಿಸಿ ಮತ್ತು ಭೂಮಿಯಲ್ಲಿ ಬಲವಾಗಿ ನಿಂತು, ಕೀಳಲು ಬಾರದೆ ಸಿಡಿಲು ಬಡಿದರೆ ಕಟ್ಟೋಣ ಜರಿದು ಬೀಳುವಂತೆ ಆನೆ ಖಮಡ ತುಂಡವಾಗಿ ಹಾರಿಬಿತ್ತು.

ಹಾಗೆ ಆನೆಯ ಪ್ರತಿ ಅಂಗಗಳು ಬಿದ್ದ ಸ್ಥಳದ ಗುರ್ತಿನ ಪರವಾಗಿ, ಆಯಾಯ ಅಂಗಗಳ ಹೆಸರೇ ಈಗಲೂ ಬಂದಿರುತ್ತದೆ. ಕಾಲು ಬಿದ್ದಲ್ಲಿಗೆ ಕಾರ್ಜಾಲು, ಕಾಯೆರ್ ಮಜಲು ತಲೆ ಬಿದ್ದಲ್ಲಿಗೆ ತಾಳೆಪ್ವಾಡಿ, ಕುಂಭಸ್ಥಳ ಬಿದ್ದಲ್ಲಿಗೆ ಕೊಂಬೆಟ್ಟು, ಆನೆಯ ಶರೀರ ಬಿದ್ದಲ್ಲಿಗೆ ಆನೆಮಜಲು, ಸೊಂಡಿಲು ಬಿದ್ದಲ್ಲಿಗೆ ಕರಿಯಾಲ ಎಂಬ ಹೆಸರು ಉಳ್ಳದ್ದಾಗಿದೆ. ಈಗಲೂ ಆನೆಗಳು ಆ ಕೆರೆಯ ನೀರು ಸಏವಿಸಿದರೆ ಮರಣ ಹೊಂದುತ್ತದೆ ಎಂಬ ಇತಿಹಾಸವಿದೆ.

ಈ ಮಹಿಮೆಯನ್ನು ನೋಡಿ ಎಲ್ಲರೂ ವಿಸ್ಮಯರಾದರು. ಅರಸನು ಇಷ್ಟು ಕಾರಣಿಕವಿರುವ ಶಿವಲಿಂಗವನ್ನು ಸಾಕ್ಷಾತ್ಕಾರದ ಲಿಂಗವಾದುದರಿಂದ ”ಮಹಾಲಿಂಗೇಶ್ವರ ದೇವರು” ಎಂಬ ಅಭಿದಾನವನ್ನು ಕೊಟ್ಟು ಪ್ರಾರ್ಥಿಸಿ ಅಲ್ಲಿಯೇ ಆ ದೇವರಿಗೆ ದೇವಸ್ಥಾನವನ್ನು ಕಟ್ಟಲು ಒಪ್ಪಿಗೆಕೊಟ್ಟನು. ಮತ್ತು ದೇವಸ್ಥಾನದ ಹಿಂಭಾಗದಲ್ಲಿ ಜಲಾಶ್ರಯಕ್ಕಾಗಿ ಒಂದು ಕೆರೆಯನ್ನು ತೋಡಿಸಿದನು.

ಎಷ್ಟು ತೋಡಿದರೂ ಕೆರೆಯಲ್ಲಿ ಜಲವು ಬಾರದೇ ಇದ್ದುದರಿಂದ ಪ್ರಾಜ್ಞರಾದ ಬ್ರಾಹ್ಮಣರಿಂದ ಉಪದೇಶಿಸಲ್ಪಟ್ಟ ಪ್ರಕಾರ ಆ ಕೆರೆಯ ಸ್ಥಳದಲ್ಲಿ ವರುಣ ಯಾಗವನ್ನು ಮಾಡಿಸಿ ಸಹಸ್ರ ಜನರಿಗೆ ಬ್ರಹ್ಮ ಸಂತರ್ಪಣೆಯನ್ನು ಶಾಸ್ತ್ರ ಪ್ರಕಾರ ಮಾಡಿಸಿದನು. ಭೋಜನಾಂತ್ಯ ಸಮಯ ಸಂತುಷ್ಟರಾದ ಈ ಬ್ರಾಹ್ಮಣರೂ ಈಶ್ವರ ಸ್ತೋತ್ರ ಮಾಡುತ್ತಿರುವ ವೇಳೆಯಲ್ಲಿ ಯದೃಚ್ಛೆಯಾಗಿ ಬಲವತ್ತರವಾದ ನೀರಿನ ವರತೆಗಳು ಕೆರೆಯಲ್ಲಿ ಉದ್ಬವಿಸಿತು. ಅಲ್ಲದೆ ಆಕಾಶದಲ್ಲಿ ವೃಷ್ಠಿಯು ಆಯಿತು. ಇದರಿಂದ ಜನರು ಎದ್ದು ಕೆರೆಯ ತಳಕ್ಕೆ ಬರಬೇಕಾಯಿತು.

ಬ್ರಾಹ್ಮಣ ಸಂತರ್ಪಣೆಯ ಉಚ್ಚಿಷ್ಠದ ಅನ್ನ ಪಾತ್ರಾದಿಗಳು ಕೆರೆಯಿಂದ ತೆಗೆಯಲಿಕ್ಕಾಗದೆ ಅಲ್ಲೇ ಉಳಿಯಿತು. ಹೀಗಾಗಿ ಕೆಲವು ಸಮಯದಲ್ಲಿ ನೋಡುವಾಗ ಮುತ್ತಿನಿಂದ ಗರ್ಭವಾಗಿರುವ ಚಿಪ್ಪುಗಳು ಮತ್ತು ಬಿರಿದ ಚಿಪ್ಪುಗಳು ಕೆರೆಯಲ್ಲಿ ತುಂಬಿಕೊಂಡಿದ್ದವು. ಅದನ್ನು ನೋಡಿ ಸಂತರ್ಪಣೆಯ ಉಚ್ಚಿಷ್ಠದ ಅನ್ನದ ಕಾಳುಗಳೆ ಮುತ್ತಾಗಿ ಎಲೆಗಲೆ ಚಿಪ್ಪುಗಳಾದುವೆಂದು ಪ್ರತೀತಿಯಾಯಿತು. ಇದರಿಂದಾಗಿ ಮುತ್ತು ಹುಟ್ಟಿದ ಊರು ವ ಮುತ್ತೂರು ನಂತರ ಪುತ್ತೂರು ಎಂಬ ಹೆಸರು ಬಂತು.

ಮುಂದುವರಿಯುವುದು

Leave a Reply

Your email address will not be published. Required fields are marked *