Realtime blog statisticsweb statistics
udupibits.in
Breaking News
ಉಡುಪಿ: ಅಕ್ರಮ ದಂಧೆಕೋರರಿಂದ ಹಣ ವಸೂಲಿ- ಉಡುಪಿ ನಗರ ಪೊಲೀಸ್ ಠಾಣೆಯ ಎಸ್ ಬಿ ಪಿಸಿ ಮಯ್ಯದ್ದಿ ವಿರುದ್ಧ ದೂರು.

ಜೀವಜಲದ ಮಿತಬಳಕೆ, ಇಂಗಿಸುವಿಕೆ ಕಾಲದ ತುರ್ತು: ಮನೋಜ್ ಕಡಬ

ಉಡುಪಿ: ಜೀವಜಲವಾದ ನೀರನ್ನು ಮಿತವಾಗಿ, ಬುದ್ಧಿವಂತಿಕೆಯಲ್ಲಿ ಬಳಸುವುದು ಮತ್ತು ಮಳೆ ನೀರನ್ನು ಮದಗ, ಕೆರೆ, ಬಾವಿಗಳಲ್ಲಿ ತುಂಬಿಸುವುದು ಹಾಗೂ ಭೂಮಿಯಲ್ಲಿ ಇಂಗಿಸುವಂತೆ ಮಾಡುವುದು ಎಂದಿಗಿಂತ ಇಂದಿನ ತುರ್ತಾಗಿದೆ. ಈ ನಿಟ್ಟಿನಲ್ಲಿ ಪ್ರತಿಯೊಬ್ಬರೂ ಗಂಭಿರವಾಗಿ ಯೋಚಿಸಿ ಈಗಿಂದೀಗಲೇ ಕಾರ್ಯೋನ್ಮುಖವಾಗಬೇಕು ಎಂದು ಜೇಸಿ ವ್ಯಕ್ತಿತ್ವ ವಿಕಸನ ತರಬೇತುದಾರರಾದ ಮನೋಜ್ ಕಡಬ ಅವರು ಹೇಳಿದರು.

ಬೀಡಿನಗುಡ್ಡೆಯ ‘ಶ್ರೀ ಮುಖ್ಯಪ್ರಾಣ’ದಲ್ಲಿ ಆಗೋಸ್ತು 4ರಂದು ”ಜನಪರ ಚಿಂತನ ವೇದಿಕೆ” ಆಯೋಜಿಸಿದ ‘ತಿಂಗಳ ಬೆಳಕು-13’ರಲ್ಲಿ ”ಜೀವಜಲ”ದ ಕುರಿತು ಅವರು ಮಾತನಾಡುತ್ತಿದ್ದರು.

ಪ್ರತುತ ಕಾಲದಲ್ಲಿ ನದಿಗಳ ಉಗಮ ಸ್ಥಳದಲ್ಲಿಯೇ ನೀರಿಲ್ಲದ ಪರಿಸ್ಥಿತಿ ಸೃಷ್ಟಿಯಾಗುತ್ತಿದೆ. ನಮ್ಮಂತೆಯೇ ಪ್ರಾಣಿ ಪಕ್ಷಿಗಳಿಗೂ ಬದುಕುವ ಹಕ್ಕಿದೆ. ಆದರೆ ಇದೀಗ ಇವುಗಳು ಸಹ ತಮ್ಮ ಬದುಕುವ ಹಕ್ಕನ್ನು ಕಳೆದುಕೊಳ್ಳುವಂಥ ಸ್ಥಿತಿ ನಿರ್ಮಾಣವಾಗಿದೆ. ಪ್ರಕೃತಿಯ ಮುಂದೆ ವಿಜ್ಙಾನ ಏನೂ ಅಲ್ಲವಾಗಿರುವುದರಿಂದ ಇನ್ನಾದರೂ ಜನರು ಪ್ರಕೃತಿಯನ್ನು ಉಳಿಸುವ ಕೆಲಸ ಮಾಡಬೇಕಾಗಿದೆ. ಪ್ರಕೃತಿಯ ನಾಶ ಈಗಿನಂತೆಯೇ ಮುಂದುವರಿದರೆ ಭವಿಷ್ಯದಲ್ಲಿ ನೀರು ಮರೀಚಿಕೆಯಾಗಲಿದೆ ಎಂದು ಮನೋಜ್ ಕಡಬ ಅವರು ತಿಳಿಸಿದರು.

ಕಾರ್ಯಕ್ರಮದಲ್ಲಿ ‘ಜೀವಜಲ’ಕ್ಕೆ ಸಂಬಂಧಿಸಿದಂತೆ ಕಿರುಚಿತ್ರಗಳನ್ನು ಪ್ರದರ್ಶಿಸಲಾಯಿತು. ಫಿನ್ಲಿ ಮನೋಜ್ ಸಹಕರಿಸಿದರು. ವಿಶ್ವನಾಥ ಪೂಜಾರಿ ಚಿಟ್ಪಾಡಿ ಅಧ್ಯಕ್ಷತೆ ವಹಿಸಿದ್ದರು. ರಾಜು ಪೂಜಾರಿ ಬೀಡಿನಗುಡ್ಡೆ ಅತಿಥಿಗಳಿಗೆ ಸ್ಮರಣಿಕೆ ನೀಡಿದರು. ಜನಪರ ಚಿಂತನ ವೇದಿಕೆಯ ಅಧ್ಯಕ್ಷರಾದ ಪ್ರಕಾಶ್ ಪೂಜಾರಿ ಸ್ವಾಗತಿಸಿ, ವಂದಿಸಿದರು. ಗೌರವಾಧ್ಯಕ್ಷರಾದ ಶ್ರೀರಾಮ ದಿವಾಣ ಕಾರ್ಯಕ್ರಮ ನಿರ್ವಹಿಸಿದರು.

Leave a Reply

Your email address will not be published. Required fields are marked *