Realtime blog statisticsweb statistics
udupibits.in
Breaking News
ಉಡುಪಿ: ಜಿಲ್ಲಾ ಸರಕಾರಿ ಆಸ್ಪತ್ರೆಯ ಸಾರ್ವಜನಿಕ ಮಾಹಿತಿ ಅಧಿಕಾರಿಯಿಂದ ಅರ್ಜಿದಾರನಿಗೆ ಅಪೂರ್ಣ ಮಾಹಿತಿ ನೀಡಿ ಕಾಯಿದೆ ಉಲ್ಲಂಘನೆ !

ಮಣಿಪಾಲ ವಿವಿ ವಿರುದ್ಧ ಪ್ರತಿಭಟನೆ

ಉಡುಪಿ: ಮಣಿಪಾಲ ಕೆಎಂಸಿ ಆಸ್ಪತ್ರೆಯಲ್ಲಿನ ಗುತ್ತಿಗೆ ಆಧಾರಿತ ನೌಕರರು ಇಂದು ಬೆಳಗ್ಗೆ ತಮ್ಮ ವೇತನ ಪರಿಷ್ಕರಣೆ ಮಾಡುವಂತೆ ಒತ್ತಾಯಿಸಿ ಆಸ್ಪತ್ರೆ ಮುಂಭಾಗದಲ್ಲಿ ಧರಣಿ ಮುಷ್ಕರ ನಡೆಸಿದರು.
ಮಣಿಪಾಲ ವಿಶ್ವವಿದ್ಯಾನಿಲಯದ ಆಡಳಿತದಲ್ಲಿರುವ ಕಸ್ತೂರ್ಬಾ ಆಸ್ಪತ್ರೆಗೆ ಇತ್ತೀಚೆಗಿನ ಕೆಲವು ವರ್ಷಗಳಿಂದ ವಿವಿ ಆಡಳಿತವು ಗುತ್ತಿಗೆ ಆಧಾರತವಾಗಿ ನೂರಾರು ಮಂದಿ ನೌಕರರನ್ನು ನೇಮಕ ಮಾಡಿಕೊಂಡಿದೆ. ಮಣಿಪಾಲ ಮಾಸ್ಟರ್ ಸ್ಟಾಪಿಂಗ್ ಸೊಲ್ಯೂಶನ್ ಪ್ರೈನೆಟ್ ಲಿಮಿಟೆಡ್ ಎಂಬ ಸಂಸ್ಥೆಯ ಮೂಲಕ ಕೆಎಂಸಿಗೆ ನಿಯುಕ್ತಿಗೊಂಡ ನೌಕರರಿಗೆ ಸಂಸ್ಥೆ ಪೂರ್ಣ ವೇತನವನ್ನು ನೀಡುತ್ತಿಲ್ಲ ಎಂದೂ ಆರೋಪಿಸಲಾಗಿದೆ. ಮುಖ್ಯವಾಗಿ ಗರಿಷ್ಟ ವಾರ್ಷಿಕ ತುಟ್ಟಿ ಭತ್ಯೆ ನೀಡುವುದಾಗಿ ಹೇಳಿ, ಇದೀಗ ಕನಿಷ್ಟ ವಾರ್ಷಿಕ ತುಟ್ಟು ಭತ್ಯೆ ನೀಡಿ ಮೋಸ ಮಾಡಲಾಗಿದೆ ಎಂದೂ ದೂರಲಾಗಿದೆ.
ಈಗ ನೀಡಲಾಗುತ್ತಿರುವ ವೇತನದಿಂದ ನೆಮ್ಮದಿಯ ಬದುಕು ನಡೆಸುವುದು ದುಸ್ಸಾಧ್ಯವಾಗಿದೆ ಎಂದು ಅಲವತ್ತುಕೊಂಡಿರುವ ನೌಕರರು, ವೇತನ ಪರಿಷ್ಕರಣೆ ಮಾಡಬೇಕು, ವಾರ್ಷಿಕ ತುಟ್ಟಿಭತ್ಯೆ ನೀಡಡಬೇಕು, ಹೆಚ್ಚುವರಿ ಕೆಲಸಕ್ಕೆ ಹೆಚ್ಚುವರಿ ಭತ್ಯೆ ನೀಡಬೇಕು, ಕೆಲಸದ ವೇಳೆಯನ್ನು ದಾದಿಯರಿಗಿರುವಂತೆ ಬೆಳಗ್ಗೆ ಗಂಟೆ 7.30 ರಿಂದ ಮಧ್ಯಾಹ್ನ ಗಂಟೆ 1.30 ರ ವರೆಗೆ ಮತ್ತು 1.30 ರಿಂದ ಸಂಜೆ ಗಂಟೆ 7.30 ರ ವರೆಗೆ ಎಂದು
ನಿಗದಿಪಡಿಸಬೇಕು, 1 ತಿಂಗಳ ರಾತ್ರಿ ಪಾಳಿಯ ಕೆಲಸದ ದಿನಗಳನ್ನು 15 ದಿನಗಳಿಗೆ ಕಡಿತಗೊಳಿಸಬೇಕು ಎಂದು ಆಡಳಿತ ಮಂಡಳಿಯನ್ನು ಆಗ್ರಹಿಸಿದರು.

Leave a Reply

Your email address will not be published. Required fields are marked *