Realtime blog statisticsweb statistics
udupibits.in
Breaking News
# ಮಾಹಿತಿ ಹಕ್ಕು ಕಾಯಿದೆ ಉಲ್ಲಂಘನೆ ಮಾಡಿದವರಿಗೆ ದಂಡ, ಅರ್ಜಿದಾರರಿಗೆ ಪರಿಹಾರ ಕೊಡಿಸುವಲ್ಲಿ ರಾಜ್ಯ ಮಾಹಿತಿ ಆಯುಕ್ತರುಗಳ ಹಿಂದೇಟು: ಶ್ರೀರಾಮ ದಿವಾಣ ಆರೋಪ.

‘ಬಹುಕೋಟಿ ರಾಸಾಯನಿಕ ಹಗರಣಕ್ಕೂ, ನನಗೂ ಯಾವುದೇ ಸಂಬಂಧವಿಲ್ಲ’ ಎನ್ನುತ್ತಲೇ ರಾಸಾಯನಿಕ ಹಗರಣದ ತನಿಖಾ ವರದಿಯನ್ನು ಪತ್ರಕರ್ತರಿಗೆ ವಿತರಿಸಿದ ವೀಣಾ ಶೆಟ್ಟಿ !

# ಶ್ರೀರಾಮ ದಿವಾಣ

ಉಡುಪಿ: ‘ಬಹುಕೋಟಿ ರಾಸಾಯನಿಕ ಹಗರಣಕ್ಕೂ, ತನಗೂ ಯಾವುದೇ ಸಂಬಂಧವಿಲ್ಲ, ಆದರೆ ನಾನು ಡಾ.ಶರತ್ ಕುಮಾರ್ ರಾವ್ ವಿರುದ್ಧ ನೀಡಿದ ದೂರಿನೊಂದಿಗೆ ಬಹುಕೋಟಿ ರಾಸಾಯನಿಕ ಹಗರಣವನ್ನು ತಳಕು ಹಾಕಲಾಗುತ್ತಿದೆ’ ಎಂದು ಉಡುಪಿಯ ಎಚ್.ಐ.ವಿ.ಸೋಂಕಿತ ವ್ಯಕ್ತಿಗಳ ಒಕ್ಕೂಟವಾಗಿರುವ ‘ಜೀವನ ಸಂಘರ್ಷ’ ಎಂಬ ಸರಕಾರೇತರ ಸ್ವಯಂಸೇವಾ ಸಂಸ್ಥೆಯ ಶ್ರೀಮತಿ ವೀಣಾ ಶೆಟ್ಟಿ ತಿಳಿಸಿದ್ದಾರೆ.

ಸೆಪ್ಟೆಂಬರ್ 10ರಂದು ಉಡುಪಿ ಪ್ರೆಸ್ ಕ್ಲಬ್ ನಲ್ಲಿ ಪತ್ರಿಕಾಗೋಷ್ಟಿ ನಡೆಸಿದ ವೀಣಾ ಶೆಟ್ಟಿ, ‘ಬಹುಕೋಟಿ ಹಗರಣಕ್ಕೂ, ತನಗೂ ಯಾವುದೇ ಸಂಬಂಧವಿಲ್ಲ. ಬಹುಕೋಟಿ ಹಗರಣದ ವಿಷಯ ಕೇವಲ ಒಂದೆರಡು ದಿನಗಳ ಹಿಂದೆಯಷ್ಟೇ ನನ್ನ ಗಮನಕ್ಕೆ ಬಂತು. ಡೆಕ್ಕನ್ ಹೆರಾಲ್ಡ್ ಪತ್ರಿಕೆಯಲ್ಲಿ ಬಹುಕೋಟಿ ಹಗರಣಕ್ಕೂ, ತನ್ನ ದೂರಿಗೂ ಸಂಬಂಧ ಕಲ್ಪಿಸಿ ವರದಿ ಬಂದ ಹಿನ್ನೆಲೆಯಲ್ಲಿ ಸ್ಪಷ್ಟನೆ ನೀಡಲು ಈ ಪತ್ರಿಕಾಗೋಷ್ಟಿ ಕರೆದಿದ್ದೇನೆ ಎಂದು ಹೇಳಿಕೊಂಡರು. ಹೀಗೆ ಹೇಳುತ್ತಲೇ ಬಹುಕೋಟಿ ರಾಸಾಯನಿಕ ಹಗರಣಕ್ಕೆ ಸಂಬಂಧಿಸಿದಂತೆ ಡಾ.ಕೆ.ಬಿ.ಈಶ್ವರಪ್ಪ ಅವರು ಬರೆದು ಸಿದ್ದಪಡಿಸಿದ, ಕೆಲವರ ಹೇಳಿಕೆಗಳಿರುವ 104 ಪುಟಗಳಿರುವ ಕಡತವನ್ನು ಮಾಧ್ಯಮದವರಿಗೆ ವಿತರಿಸಿದರು.

ಡಾ.ಶರತ್ ಕುಮಾರ್ ತನಗೆ ಕಳೆದ ಐದಾರು ವರ್ಷಗಳಿಂದ ಬೇರೆ ಬೇರೆ ರೀತಿಯಲ್ಲಿ ಕಿರುಕುಳ, ಹಿಂಸೆ ನೀಡಿದ್ದಾರೆ. ಅವರ ಸ್ವಹಿತಾಸಕ್ತಿಗಾಗಿ ನನ್ನನ್ನು ಉಪಯೋಗಿಸಿದ್ದಾರೆ. ನನ್ನಿಂದ ಹಣವನ್ನೂ ಪಡೆದುಕೊಮಡರು. ನಾನವರಿಗೆ ತಿರುಗಿಬಿದ್ದೆ. 2012ರ ಅಕ್ಟೋಬರ್ ನಲ್ಲಿ ಅವರಿಗೆ ಈ ಬಗ್ಗೆ ಖಾಸಗಿಯಾಗಿ ಪತ್ರ ಬರೆದೆ. ಆ ಪತ್ರವನ್ನು ಜಿಲ್ಲಾಧಿಕಾರಿಗಳಿಗೂ ಕಳುಹಿಸಿಕೊಟ್ಟೆ. ನನಗವರು ಬೆದರಿಕೆಯನ್ನೂ ಹಾಕಿದರು. ಬೆದರಿಕೆ ಹಾಕಿದ ಬಗ್ಗೆ ಪೊಲೀಸರಿಗೆ ದೂರು ನೀಡಿದ್ದೇನೆ. ಬಳಿಕ ಆರೋಗ್ಯ ಇಲಾಖಾಧಿಕಾರಿಗಳಿಗೆ ದೂರು ನಿಡಿದೆ. ಅವರು ತನಿಖೆ ನಡೆಸಿ, ಡಾ.ಶರತ್ ಅವರನ್ನು ಅಮಾನತು ಮಾಡಿದ್ದಾರೆ ಎಂದು ವೀಣಾ ಶೆಟ್ಟಿ ಹೇಳಿಕೊಂಡರು.

ಪತ್ರಿಕಾಗೊಷ್ಟಿಯ ಕೊನೆಗೆ ‘ವಿಜಯವಾಣಿ’ ದಿನ ಪತ್ರಿಕೆಯ ವರದಿಗಾರರಾದ ಶ್ರೀಪತಿ ಹೆಗಡೆ ಹಕ್ಲಾಡಿಯವರು, ‘ನಿಮಗೂ, ರೆಡ್ ಕ್ರಾಸ್ ಸಂಸ್ಥೆಗೂ ಏನು ಸಂಬಂಧ ?, ಜಿಲ್ಲಾಸ್ಪತ್ರೆಯ ಎ.ಆರ್.ಟಿ.ಕೇಂದ್ರದಲ್ಲಿ ನೌಕರರು ಮುಷ್ಕರ ನಡೆಸಿದ ಸಂದರ್ಭದಲ್ಲಿ ನೀವು ಔಷಧ ವಿತರಿಸುತ್ತಿದ್ದಿರಿ. ನಿಮಗೂ, ಜಿಲ್ಲಾಸ್ಪತ್ರೆಗೂ ಏನು ಸಂಬಂಧ ? ಎ.ಆರ್.ಟಿ.ನೌಕರರು ಮುಷ್ಕರ ನಿರತರಾಗಿದ್ದಾಗ ಔಷಧ ವಿತರಿಸುವ ಅಧಿಕಾರ ನಿಮಗಿದೆಯೇ ? ಎಂದು ಪ್ರಸ್ನಿಸಿದರು.

ಇದಕ್ಕೆ ಉತ್ತರಿಸಿದ ವೀಣಾ ಶೆಟ್ಟಿ, ‘ನಾನು ರೆಡ್ ಕ್ರಾಸ್ ಸಂಸ್ಥೆಯ ಸದಸ್ಯೆ, ರೆಡ್ ಕ್ರಾಸ್ ಸಂಸ್ಥೆಯ ಎಚ್.ಐ.ವಿ./ಏಡ್ಸ್ ಉಪ ಸಮಿತಿಯ ಚಯರ್ ಮ್ಯಾನ್’ ಎಂದು ತಿಳಿಸಿದರು. ಎ.ಆರ್.ಟಿ.ನೌಕರರು ಮುಷ್ಕರ ನಡೆಸುತ್ತಿದ್ದಾಗ ಔಷಧ ವಿತರಿಸುವ ಅಧಿಕಾರ ನನಗಿಲ್ಲ’ ಎಂದು ಹೇಳಿದರು.

‘ಡೆಕ್ಕನ್ ಹೆರಾಲ್ಡ್ ಪತ್ರಿಕೆಯಲ್ಲಿ ಪ್ರಕಟವಾದ ವರದಿಯಲ್ಲಿ ಬಹುಕೋಟಿ ರಾಸಾಯನಿಕ ಹಗರಣಕ್ಕೂ ನಿಮಗೂ ಸಂಬಂಧವಿದೆ ಎಂದು ಬರೆಯಲಾಗಿದೆ ಎಂದು ನಿಮಗೆ ಹೇಳಿದ್ಯಾರು ? ಆ ವರದಿಯಲ್ಲಿ ಹಾಗೇನೂ ಇಲ್ಲವಲ್ಲ. ನಿಮಗೆ ಮಾತ್ರವಲ್ಲ, ‘ರಾಸಾಯನಿಕ ಹಗರಣದೊಂದಿಗೆ ಸಂಬಂಧವಿಲ್ಲದ ದೂರು’ ಎಂಬುದಾಗಿಯೇ ವರದಿಯಲ್ಲಿ ಬರೆಯಲಾಗಿದೆ’ ಎಂದು ತಿಳಿಸಿದ `ದ ಹಿಂದೂ’ ದಿನ ಪತ್ರಿಕೆಯ ವರದಿಗರರಾದ ಗಣೇಶ ಪ್ರಭು ಅವರು ಡೆಕ್ಕನ್ ಹೆರಾಲ್ಡ್ ಪತ್ರಿಕೆಯಲ್ಲಿ ಪ್ರಕಟವಾದ ವರದಿಯ ಎರಡು ಪ್ಯಾರಾಗಳನ್ನು ಓದಿ ಹೇಳಿದರು. ಆಗ ವೀಣಾ ಶೆಟ್ಟಿಯವರು ನಿರುತ್ತರರಾದರು.

‘ಜಯಕಿರಣ’ ದಿನ ಪತ್ರಿಕೆ ಮತ್ತು ‘www.udupibits.in’ ಇವುಗಳ ವರದಿಗಾರ ಶ್ರೀರಾಮ ದಿವಾಣ ಅವರು ವೀಣಾ ಶೆಟ್ಟಿಯವರನ್ನು ಉದ್ಧೇಶಿಸಿ, ಬಹುಕೋಟಿ ರಾಸಾಯನಿಕ ಹಗರಣಕ್ಕೂ, ನನಗೂ ಸಂಬಂಧವಿಲ್ಲ ಎನ್ನುತ್ತೀರಿ, ಹಾಗೆ ಹೇಳುತ್ತಲೇ ಬಹುಕೋಟಿ ಹಗರಣದ ಬಗ್ಗೆ ವೈದ್ಯಕೀಯ ಸಹ ನಿರ್ದೇಶಕರಾದ ಡಾ.ಕೆ.ಬಿ.ಈಶ್ವರಪ್ಪನವರು ಸಿದ್ದಪಡಿಸಿದ ತನಿಖಾ ವರದಿಯನ್ನು ಹಾಜರುಪಡಿಸಿದ್ದೀರಿ. ಹಗರಣದ ಬಗ್ಗೆ ಡಾ.ಈಶ್ವರಪ್ಪರು ಸಲ್ಲಿಸಿದ ತನಿಖಾ ವರದಿಯನ್ನು ಹಾಜರುಪಡಿಸಿದ ನೀವು, ಇದೇ ಹಗರಣದ ಜಾಗೃತದಳದ ಮುಖ್ಯ ಜಾಗೃತಾಧಿಕಾರಿ ಡಾ.ಕೆ.ಎಚ್.ನರಸಿಂಹಮೂರ್ತಿಯವರು ತನಿಖೆ ನಡೆಸಿ ಸಿದ್ದಪಡಿಸಿ ಸಲ್ಲಿಸಿದ ತನಿಖಾ ವರದಿಯನ್ನು ಯಾಕೆ ಇಲ್ಲಿ ಹಾಜರುಪಡಿಸುತ್ತಿಲ್ಲ ? ಡಾ.ಈಶ್ವರಪ್ಪರವರು ಸರಕಾರಕ್ಕೆ ಸಲ್ಲಿಸಿದ ತನಿಖಾ ವರದಿ ನಿಮಗೆ ಎಲ್ಲಿ ಸಿಕ್ಕಿತು ? ಹೇಗೆ ಸಿಕ್ಕಿತು ? ಎಂದು ಪ್ರಶ್ನಿಸಿದರು.

‘ಬಹುಕೋಟಿ ರಾಸಾಯನಿಕ ಹಗರಣದ ಬಗ್ಗೆ ಡಾ.ನರಸಿಂಹಮೂರ್ತಿಯವರು ತನಿಖೆ ನಡೆಸಿ ವರದಿ ಸಲ್ಲಿಸಿದ ವಿಷಯ ನನಗೆ ಗೊತ್ತಿಲ್ಲ. ಡಾ.ಈಶ್ವರಪ್ಪನವರು ಸಲ್ಲಿಸಿದ ತನಿಖಾ ವರದಿಯನ್ನು ನಾನು ಮಾಹಿತಿ ಹಕ್ಕಿನಿಂದ ಪಡೆದುಕೊಂಡಿದ್ದೇನೆ’ ಎಂದು ವೀಣಾ ಶೆಟ್ಟಿ ಸ್ಪಷ್ಟಪಡಿಸಿದರು.

ಮಾಹಿತಿ ಹಕ್ಕಿನಿಂದ ಪಡೆದುಕೊಂಡದ್ದು ಎನ್ನುವುದಕ್ಕೆ ಬೇಕಾದ ಯಾವುದೇ ಕುರುಹುಗಳು ಕಡತದಲ್ಲಿಲ್ಲ. ಬಹುಕೋಟಿ ರಾಸಾಯನಿಕ ಹಗರಣದ ಬಗ್ಗೆ ನಿಮಗೆ ಕೇವಲ ಒಂದೆರಡು ದಿನಗಳ ಹಿಂದೆಯಷ್ಟೇ ತಿಳಿಯಿತು ಎನ್ನುತ್ತೀರಿ ? ಆದರೆಮಾಹಿತಿ ಹಕ್ಕಿನಲ್ಲಿ ಕಡತ ಪಡೆದುಕೊಲ್ಲಲಲು ಕನಿಷ್ಟ ಒಂದು ತಿಂಗಳಾದರೂ ಬೇಕಾಗುತ್ತದೆಯಲ್ಲ ? ಎಂದು ಶ್ರೀರಾಮ ದಿವಾಣರು ವೀಣಾ ಶೆಟ್ಟಿಯವರನ್ನು ಮರು ಪ್ರಶ್ನೆ ಮಾಡಿದರು.

ಆಗ ವೀಣಾ ಶೆಟ್ಟಿಯವರು, ‘ಹೌದು, ಒಂದು ತಿಂಗಳ ಹಿಂದೆಯೇ ಪಡೆದುಕೊಂಡಿದ್ದೇನೆ’ ಎಂದು ಒಪ್ಪಿಕೊಂಡರು. ‘ಹಾಗಾದರೆ, ಮೊದಲು ಹೇಳಿಕೊಂಡಂತೆ ಒಂದೆರಡು ದಿನಗಳ ಹಿಂದೆಯಲ್ಲ, ಅದಕ್ಕಿಂತಲೂ ಮೊದಲೇ ನಿಮಗೆ ರಾಸಾಯನಿಕ ಹಗರಣದ ಬಗ್ಗೆ ತಿಳಿದಿದೆ ಎಂದು ಆಯಿತಲ್ಲ ?’ ಎಂದು ಶ್ರೀರಾಮ ದಿವಾಣರು ಹೇಳಿದಾಗ, ವೀಣಾ ತಬ್ಬಿಬ್ಬಾದರು. ಮಾತ್ರವಲ್ಲ, ‘ಡಾ.ಈಶ್ವರಪ್ಪರವರು ಹಗರಣದ ಬಗ್ಗೆ ಸರಕಾರಕ್ಕೆ ಸಲ್ಲಿಸಿದ ತನಿಖಾ ವರದಿಯನ್ನು ಬೇರೆಯವರು ನನಗೆ ಕೊಟ್ಟರು’ ಎಂಬುದನ್ನು ಒಪ್ಪಿಕೊಂಡರು. ಆದರೆ ಹಾಗೆ ಕೊಟ್ಟವರು ಯಾರು ಎಂಬುದನ್ನು ಮಾತ್ರ ವೀಣಾ ಶೆಟ್ಟಿ ಬಹಿರಂಗಪಡಿಸಲಿಲ್ಲ.

ಪತ್ರಿಕಾಗೋಷ್ಟಿಯಲ್ಲಿ ಶ್ರೀಮತಿ ವೀಣಾ ಶೆಟ್ಟಿಯವರು, ಡಾ.ಶರತ್ ಕುಮಾರ್ ಅವರ ಪಿತ್ರಾರ್ಜಿತ ಆಸ್ತಿಗಳ ಬಗೆಗಿನ ಮಾಹಿತಿಗಳೂ ಇರುವ ಆಸ್ತಿ ವಿವರಗಳನ್ನು
ಬಹಿರಂಗಪಡಿಸಿದರು. ಆಸ್ತಿ ವಿವರವನ್ನು ಲೋಕಾಯುಕ್ತಕ್ಕೆ ಸಲ್ಲಿಸುವಂತೆ ಪತ್ರಕರ್ತರೊಬ್ಬರು ಸಲಹೆ ನೀಡಿದರು.

ಪತ್ರಿಕಾಗೋಷ್ಟಿಯಲ್ಲಿ ವೀಣಾ ಶೆಟ್ಟಿ ಹೊರತುಪಡಿಸಿ ‘ಜೀವನ ಸಂಘರ್ಷ’ ಸಂಸ್ಥೆಯ ಇತರ ಯಾವೊಬ್ಬರೂ ಉಪಸ್ಥಿತರಿರಲಿಲ್ಲ.

 

 

One Comment

  1. ak15@gmail.com'

    K.A.JEPPU

    September 14, 2014 at 2:56 pm

    This is the tragedy of our Nation. Everyone knows that she is lying including media, still she lies boldly in front of every one. She was forced by some one to forcefully call a press conference. Clearly she showcased the involvement of so called VIPS whom we have selected and sent to exploit us and our corrupt servants (corrupt Govt. officers) who take salary from our tax paid money and cheat us to put allegation on the honest pathologist. These elements are more dangerous than the external enemies of our country. They eat up the system and project as if our system has failed to the public. They are the rouges. They would allow any one to work and allow our nation to prosper. They need SINGHAM STYLE OF DEALING…..

Leave a Reply

Your email address will not be published. Required fields are marked *